Skip to main content

Isuma: Siulittaasoq torrallaanngeqaatit

Inatsisartut Siulittaasuata oqallinnermik aallartitseriarneralua atorsinnaanngilaq, Siumup siulittaasua aamma Inatsisartunut ilaasortaq Aleqa Hammond uani isummersorpoq

 

Oqallissaarutiginiaraluarpaa Avanersuarmiunngooq eqqanaaginnarlutik nerukkaatissaminnik piffissaagallartillugu qulakkeerinniinnartassasut. Assersuutiginiarpaa savaatillit piffissaagallartillugu ivikkanik nerukkaatissaminnik eqqanaartartut.

 

 

Tupinnaraluttuaq assersuut taama sianilluanngitsigisoq inatsisartut siulittaasuannit atorneqarmat.

 

 

Siullertut, savaatillit ivigaarassaminnik eqqanaarniarunik silap pissusaanit aallaaveqarluinnartumik atugassaqartinneqartarput. Soorlu siallersimarpiartinnagu ukiup sinneranut nerukkaatissamaalersartut ilisimasussaagaluarpaa. Qanorluunniit nerukkaatissaateqarusutsi-gigaluarunik tamanna allatut ajornartumik ilaatigut avataaneersunik nerukkaatissanik pissarsiniartarput aammalu amerlasuut suli savaatillit avataaneersunik nerukkaatissanik pisariaqartitsisartut tamatta ilisimasussaagaluarparput. Savaatilinnit inatsisartut siulittaasuat inaalinneqarmat oqarfigineqarluni tamanna assersuunneqarsinnaanngitsoq, qujanarpoq. 

 

Aappaattut, Avanersuarmiut imminut napatinniarlutik ilungersortut aammalu silaannaap allanngornera imaannaanngitsoq tulluarsarniarfigersuaarpaat. Sikup naatsorsuutigineqarsinnaajartornera, ingerlaarfilussinerit, uumasut angalanerisa nikinnerat, isorartunerusumut angalanerusalernerit ilaannannguarivaat Avanersuarmiut atukkamikkut oqimaatsorsiorfiat savaatillit atugaannut sanillersuunneqarsinnaanngilluinartut.

Silaannaap allanngoriartornerata kingunerisaanik savaatillit atugarissaarnerulersinnaaneranik kinguneqartumik atugassaqariartorput, soorlu kissaq annerulersoq naatitsiviusinnaaffiusorlu annertusilluni ukiumut inerititassat amerleriarsinnaaneranik periarfissiisoq.

Avanersuarmiunulli killormuanik silaannaap allanngoriartornera sunniuteqarpoq. Anorersuakulanerulerpoq, piniarneq ilungersunarnerulerpoq aammalu piniartutut inuuniarneq artornarsiartuinnarluni.

Savaateqarnikkut inuussutissarsiuteqarniartut ingerlatsisullu assorooqaaq aammalu ukiut tamaasa iluatsinneq ajorpaat ilumut ukioq kaajallallugu namminerisamik ivikkatigut nerukkaatissatik naammatissanerlugit. Inuussutissarsiutip siuarsarnissaanut nunatta karsianit aningaasaliisoqartarpoq qulakkeerumallugu atugaasa siuarsarneqarnissaannut. Tamatut atugassaqartinneqanngillat avanersuarmiut piniartortai taamaammat oqallissaarinermi sanillersuutitit atorsinnaanngillat, Hr Josef Motzfeldt.

 

Ajornartorsiuteqarlutik saqqummiussisut asuli oqaaqqissaarniarlugit perorsarniarlugillusooq naalakkersuisooqatigiti partiivinit ilisarnaatigineqalersoq pissusilersorneruvoq inuiaqatigiinnik assigiinngitsunik atugalinnik paasisimasaqannginnermik oqalunneq minnerunngitsumik inunnut pineqartunut ataqqinninnerunngitsoq aammalu tulluanngilluinnartoq, Hr Josef Motzfeldt.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER