Skip to main content

Royal Greenland Academy aallarteqqippoq

Royal Kids Uummannami ataatsimeersuaarartinneqarnerat Royal Greenland Academyp aallarteqqinneqarnerani pikkorissaasarnerit siullersarissavaat – tamatumuuna CSR-imi suliniutitut  

Royal Kids Uummannami (Royal Greenlandimi sulisut qitornaat tusagassiutini nalunaarummi taama taaneqarmata) ataatsimeersuaarartinneqarnerat Royal Greenland Academyp aallarteqqinneqarnerani pikkorissaasarnerit siullersarissavaat – tamatumuuna CSR-imi suliniutitut

Uummannami Royal Greenlandip suliffissuanni sulisut meeraasa ataatsimeersuaarartinneqarnerat  ilaatigut meeqqat pisinnaatitaaffii, meeqqat inuunerissut allallu oqallisigalugillu isummersoqatigiissutigissavaat, taamalu ulluinnarni atukkatik pillugit Namminersorlutik Oqartussat UNICEF-illu suliniaqatigiissutaannut NAKUUSA-mut tapersiissuteqassallutik.

Royal Kids meeqqanit inuusuttunillu arfineq pingasuniit 15-it angullugit ukiulinnit peqataaffigineqartumi aamma attaveqatigiinnermut tunngasut sammissavaat, attaveqatigiinnermilu atortorissaarutit nutaaliaasut suliassaqartitsinermi atorneqassallutik. Nuannaartorineqaqisoq Hinnarik guitaarertualu Frederik siunissami takorluukkat aammalu attaveqariaatsit pillugit sammisamut tunngatillugu apeqqarissaarfigineqassasut, tusagassiivinnut nalunaarummi allassimavoq.

Nuannannaartorineqaqisoq Hinnarik timersortarfimmi meeqqanut inuusuttunullu ullormik naggasiilluni aliikkusersuisinneqassaaq, aliikkusersuisoqarnissaanullu qaaqqusisuusimasut Royal Kidsit qaaqqusissutaat Uummannap Tusaataani ulluni kingullerni ussassaarutigineqaqattaarpoq.

Royal Greenland Academyp ataani pikkorissaqattaarnissat, tamatumuuna CSR-imi suliniutitut ingerlanneqartussat, sapaatip akunnerani 50-imi nanginneqassapput, inersimasut peqataasoralugit.

Pikkorissartitsinerit aappaagu kingusinnerusukkut Qasigiannguani, Qeqertarsuatsiaani Ikerasammilu meeqqat inersimasullu peqataasoralugit ingerlanneqarumaarput.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER