Skip to main content

Ukiorpassuarni orpiit pinnernersaat

Sisimiuni borgmesterip ukioq manna illoqarfiup orpia sapaammi adventit siullersaanni ikinneqartoq nuannaarutigaa

Sapaassuit siullersaat soorlu nunatsinni sumiiffinni allani taama pisoqartoq, ulluuvoq illoqarfiup orpiata ikiffissaa. Ulloq taanna pingaartorsiorfiusoq qaavoq silageqaluni, issilluarpoq orpillu tikeqqammisoq nappaareqaluni qilammut allaaqqissumut tikkuartuivoq. 

Nalunaaqqutaq kigaatsumik ualikkut pingasunngoriartorpoq, meeqqat naammagittarniarsaripput angajoqqaat meeqqatik ilagalugit takkussuussimapput aamma aataasut aanaasullu ullormi nuannersumi peqataapput borgmesterip oqalugiaataanik erinarsoqatigiillu tusarneqisunik tussiarnerannik tusarnaarlutik juullillu inuata tikinneranut malinnaallutik. 

Borgmester Herman Berthelsenip oqalugiarnermini meeqqanut nalunaarutigaa, juullip inua pisarnermisut Sisimiuni  kommunip allaffiani tukkusimasoq, qaammat ulapaarfissani aggersoq nukissaqarfigiumallugu qasuersersimalluni erniinnaq kommunip allaffianit timmilluni takkutissasoq. 

Juullip inua aappalaartunik atisalik ajornartorsiutitaqanngitsumik kusanaqisumillu poorsuarminik nammalluni, HO HO HO kisiat nipigalugu meeqqat nuannaarutigeqisaannik mippoq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER