Skip to main content

Kalaallit Nunaat ueriffigaat

Nerisassiornermik aallakaatittagaq kingulleq "A taste of Greenland", isiginnaartartunut danskinut aamma nunani allani tusagassiortunut Kalaallit Illuutaanni takuteqqaarneqarmat nuannarineqaqaaq

Tusagassiortut fiminik naliliisartuunngitsut filmimik 50 minutsinik takissusilimmik isiginnaaraangamik nalinginnaasumik eqqissitikkuminaattarput. "A taste of Greenland" aallakaatitassat kingulliit ataasinngornermi unnukkut Kalaallit Illutaanni takutinneqaqqaarmata qaaqqusat tusagassiortullu filmigartik malinnaaffigilluaqaat.

Aallakaatitassiat aallaartinniutaa ulapaarnermik ersersitsipput, tv'kkut igasartoq Chris Coubrougt Kangerlussuarmut minneraniit aallakaatitap naanissaata tungaanut anersaarfiunngingajappoq. Igasoq ilaatigut umimmanniaqataavoq, snescootererluni, qimusserluni, sisorarluni, assagiarsunniarluni, raajarniarluni aammalu sumiiffimmi tuluttut Destination Arctic Circlemi aqisserniarluni aammali Apussuarni sisorarnermik misiliilluni.

Tamakku akornatigut qanoq isilluni pinerpoq nerisassiornissaminut aamma piffissaqarpoq ilaatigut, umimmak, aqisseq assagiarsuit aammalu raajat suliarai, aallakaatitassiamik isiginnaartut nuakoortuinnanngortillugit. Ukioq nilleqaaq taamaakkaluartoq tv'kkut igasartup Kalaallit Nunaata pinngortitaani igasinnaavoq. Tassalu aallakaatitani taakkunani pingaarnerpaatinneqartartut ilaat - aatsaavissuaq aasaanngitsumi aallakaatitassiortoqarpoq. Taamaaliornikkut isiginnaartut periarfissinneqarput Kalaallit Nunaat ukiumi ornissallugu aamma pissarsiaqarnartoq.
 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER