Skip to main content

Siunissaq allanngortinneqarsinnaanngitsoq

Arfininngorneq novembarip 26-at Meeqqat IT Akademiat, BITA naammassillugu Barista Netcáfemut qaaqqusisoqarpoq    

Meeqqat 17-it 10-12-inik ukiullit nuummeersut IT-mik ilisimasalittut imminnut taasinnaanngorput. Arfininngornerit arfinillit atorlugit pikkorissarneq malinnaaffigaat, ilaatigut filmiliorlutik aammalu internetti atorlugu robottinik sanallutik. 

Kalaallit Røde Korsiat (KRK), Barista Netcáfe IT-millu immikkut piginnaasallit soqutiginninnertik naapertorlugu pikkorissartitsinermik aaqqissuusipput. Arfininngormat peqataasut 17-it KRK-mit allagartartaartinneqarput. 

Kalaallit Røde Korsiat (KRK), marsimi Prins Nicolaj og Prins Felix fondiannit 50.000 koruuninik tunissuteqarfigineqarput. 

- Aningaasat aalajangigaapput ”Projekt Børne IT Akademi” ineriartortinneqarnissaanut ingerlanneqarnissaanullu atugassatut. Nunatsinni perngaamik taama ingerlatsineq, kia ilisimavaa immaqa allaat Europamit siullersaalluni. Suliniut KRK-imi iluanaarniarfiunngitsumik suliniutissatut aalajangigaavoq, meeqqanut Nuummiittunut 10-12-inik ukiulinnut IT-mik suliaqarnissamut soqutigisalinnut aallaaveqarluni. Suliniutip ingerlanneqalernera naapertorlugu Kalaallit Nunaanni aningaasaateqarfinnit tapersersorneqalerpoq, Kirsten Mortensen, KRK oqaluttuarpoq. 

IT Akademi oktobarimi aamma novembarimi arfininngornerit arfinillit ingerlaneranni piviusunngortinneqarpoq KRK, Barista Netcafé aamma IT-mik immikkut piginnaasallit arfineq-marluk  ikiortigalugit.

Meeqqat 20-t 10-12-inik ukiullit sammisaqartitsinermut peqataaniarlutik nalunaarput, taakkunannga 17-it pikkorissartitsineq tamaat peqataffigaat, sammillugit:

• Picasso digitaliusoq 
• Modellervoksit filmiliarikkit
• Disney digitaliusoq
• Lego Mind Storm, nammineq robottiliorit
• Divide by zero (programmering af robotter Lego MindStorm) 

Akadimi arfininngornermi Baristami naammassinersiorneqarpoq meeqqat suliaannik takutitsinikkut. Lego Mind Storm robottit assigiinngitsunik piginnaasaqarneri takutinneqarput kiisalu titartakkanik aammalu modellervoksit atorlugit filmiliat takutinneqarput. Oqalugiartoqarpoq, diplominik agguaassisoqarluni peqataasullu BITA-Akademiip nasaannik immikkuullarissunik tuniorarneqarlutik. Angajoqqaat qatanngutillu amerlaqalutik takkussuussimapput allagartartaartitsineq pingaartorsiorfiulluni. 

- Suliniut iluatsilluartorujussuuvoq, neriuutigaarput "IT-mik ilisimasallit" siunissami IT-mik soqutiginninneq illoqarfitsinni atuarfinnut ukioqatiminnut siammartissagat, Kirsten Mortensen oqarpoq. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER