Skip to main content

Minik isaatitsiuarpoq

HC FYN-imi isertitseriartartorsuaq Minik Dahl Høegh ulluni makkunani unitsitassaanngilaq. Sapaatiummat GOG ajorsarmat Minik arsarluarnerpaavoq 

MInik naak seeqqumigut ajoquteqarluni tallimanngormat ualikkut HC Fynimi sungiusarnermi kingullermi peqataanngikkaluarluni kingumut torrallaqqilluni sapaatiummat ligamiit kinguartunut HC Midtjyllandimut unamminermi arsarluarneqaaqqippoq. 

Unamminerup aallartinnerani HC Fyn ajornartorsiuteqartutut isikkoqarpoq. HC Midtjylland 10 - 8-mik siuariasaarpoq. Unamminerup ingerlanerani HC FYN-imi unammisut Jyllandimeersunut assersuinerujartorput aammami HC FYN-imi Minik isertitsisartorivaat. 

Unamminerup unitsiarnerata kingorna Fynimiut 23 - 18-imik siuapallapput, unamminerlu pissanganarunnaarluni. HC Midtjyllandip sungiusaasuata Lars Friis Hansenip MInik assersortileraluarpaa iluatsinngitsumilli, unamminermini HC FYN 34 - 28imik ajugaavoq.

Minik Dahl Høegh kingumut HC FYN-imi isertitaqarnerpaavoq. 

HC FYN-ip sungiusaasuunera Jakob Larsen soorunami ajugaagamik nuannaaqaaq.  

- Sapaammi kingullermi GOG-mut ajorsarnerup kingorna ajugaanissarput pisariaqartipparput. Suli angusarinnerpaavugut aqagumiillu eqqasuuteqarata tallimanngorpat Ribe-Esbjergip unammisartuinut pikkorissorsuarnut piareersarsinnaalerpugut. 

1. divisionimi qalliuniunneq suli taamaappoq. Odder HB Aqqaluk Sørensenilu HØJ-imut 34 - 25-mik nalorninaatsumik ajugaapput. Aqqaluk pingasunik iertitsivoq.

Akunnerup naanerani unamminerit kingorna Ribe-Esbjerg 1. divisionimi siuttuuvoq 18-inik pointeqarluni. GOG normu 2-juvoq aamma 18-inik pointeqarluni ataatsimilli unamminerusimanerup kingorna. Odder HB aamma HC FYN normu 3 aamam 4-pput tamarmik 16-inik pointeqarlutik.  
 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER