Skip to main content

Qimussersinnaanermut allagartaq

Aappaagu takornariat nalinginnaasumik qimussernermik saniatigut aamma qimussersinnaanermut allagartartaarsinnaalissapput, qimussinik ingerlatsisinnaasutut uppernarsaammik 

"Greenland Dogsledge Academy"-p 2012-imi ukiukkut ingerlatani Oqaatsuni aallartissavai, tassani takornariat ilaatigut qimussersinnaanermut allagartartaarsinnaallutik, qimussersinnaalluni, snescooterersinnaallutik sisorarsinnaallutillu.

Qimussersinnaanermut allagartartaartoqarsinnaavoq ulluni marlunni pimoorullugu pikkorissareernikkut, takornariat ilaatigut ilinniassallugit qimussit sananeqaataat, qimussit usilersornissaat, qimmit anulernissaat, qimmit aggersarnissaat, qimussinik aallartitsineq il.il. Tamatuma saniatigut aamma iperartarnermik ilinniartinneqassapput. Pikkorissarneq naggaserlugu nunaqarfiup savaani kangerliumanermi qimussersinnaanermut misilitsinnermik.

- Takornariat ukiukkut aasakkullu nunaqarfimmut tikittartut sammisaqarlutik feriarusuttarput, suliniutikkullu tassuuna takornariaq sammisaqartinnqassaaq tamannalu peqatigalugu qimussernerup kulturianik, nunaqarfimmi naleqartinneqartorujussuarmik, sukkasuumik piviusumillu paasitinneqassalluni, Ole Dorph Ilulissat eqqaani Oqaatsuni Hotel Nordlys-imit tusagassiorfinnut nalunaarutikkut allappoq.

Takornariat qimussimik tallimaniit arfinilinnut qimuttulimmik qimusserneq ilinniassavaat. Qimussimi nunaqarfimmiu qimussernermik sungiussisimasoq ilinniartitsisassaaq, taannalu ikiuuttassaaq ilinniartitani ajornartorsiulerpat imaluunniit siunnersortariaqarpat najoqqutassiortariaqarpallu.

- Soorunami siunertaavoq ataatsimut misigisaqarnissaq neriunartumillu inuunermi ikinngutigiilernissaq. Nunaqarfeeqqami Oqaatsutut ittumik 50-t missarpiaannik inulimmi, takornariat innuttaasullu akornanni ataqatigiinneq pitsaasuuvoq illoqarfinnut anginernut sanilliullugu. Tamatuma saniatigut eqqarsaataavoq qimussersinnaanermik allagartartaartup nunaqarfiup eqqaani isorartunerusumut qimussernissamik pisisinnanissaa taamaasillunilu piginnaasaqarfigisimasani iluamik misilillugu, Ole Dorph nangilluni allappoq.

Suliniummik nutaamik taassuminnga suliniuteqartuuvoq nunaqarfiup akunnittarfia "Hotel Nordlys", aaqqissuussinerlu ingerlanneqassaaq nunaqarfimmi aalisartut, piniartut aliikkutaralugulu qimussertartut allat qanimut suleqatigalugit.


 

Hotellet har selv hundespand, og hundene indgår i Akademiet.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER