Skip to main content

Jakob aamma Minik ajorsarput

Gudme-mi timersortarfik ulikkaartoq, HC Fyn arfineq pingasoriarluni unamminermini aatsaat ajorsarpoq. GOG-p unammisarfiani GOG-meersut unammilluarnersaapput 

Nunanut allanut unammisartut sungiusaatigaat. Unamminerup aallartinnissaa akunnermik soqqullugu isiginnaariat piareereerput. Nipilersukkat nipittorlugit tusarnaartinneqartut unaillatsiaraangata, isiginnaartut tumerparpaatik nassatatik nipiliuutigilertarpaat. Assammik arsaattartut unamminerat nuannaffioqisoq, Fyn-imi pissartanngorniunnertut Fyens Stiftstidende-mi allaaserineqarpoq. Timersortarfimmi anginngitsumi inuit 1600-t isiginnaarput. Isiginnaariat tamaasa inissaqartinniarlugit, saarlerni issiavilersortariaqarsimapput. 

Unammineq Fyn-imi pissartanngorniunnertut taassallugu immaqa ingasakkaluarpoq, ajugaasulli divisionimi siuttut ilaattut inissittussaapput. 

GOG sukareerlutik aallartikkamik, ingerlaannaq 5 - 4-mik siuarput. 10 - 6, 14 - 8, 19 - 10 unaillatsiarnermilu 20 - 13-mik siuarsimapput. Sungiusaasut siuttuata Jakob Larsen-ip pisinnaasaminik HC Fyn angummanniartikkaluarpaa, namminerlu kinguarsimasut ikiorniarlugit unammeqataalerluni. Minutsilli arlaliinnannguit qaangiuttut, nukimminik sukattoorluni uniinnartariaqalerluni.  

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER