Skip to main content

Pikkorissortagut periarfissaqartariaqarput

Palle Christiansen inuusuttut silatuut immikkut periarfissaannik suliniummik nutaamik Hanne Hautop, Mærsk McKinney Møllers Videnscenterimit isumaqatigiissusiorfigaa

Maanna kalaallit inuusuttut arfineq-pingasut Sorø Sciencetalentit pikkorissarnerinut peqataanissamut periarfissaqalerput. 

 

Tamanna ilinniarfiup pineqartup aallartitaasa  kiisalu Ilinniartitaanermut, Ilisimatusarnermut Nunanullu Avannarlernut suleqarneqarnermut Naalakkersuisup, Palle Christiansenip akornanni ataatsimiinnerup kinguneraa, tassa Naalakkersuisup Nunani Avannarlerni Ministerit isumasioqatigiillutik Københavnimi katersuunneranni peqataanerminut atatilluu ingerlammagu.

 

Sorø Sciencetalenter-imi talentchef Hanne Hautop-imik, Københavns Universitets naturvidenskabelige Fakultetimi dekanimik Nils O. Andersenimik aamma suliniummi ataqatigiissaarisumik Uffe Svegaardimik Sorø Sciencetalenterimeersumik ataatsimeeqateqarnerup kinguneraa inuusuttunik arfineq-pingasunik Kalaallit Nunaaneersunik kiisalu inuusuttunik arfineq-pingasunik Danmarkimeersunik peqateqarluni sullermeerutaasumik suliniuteqarnissap isumaqatigiissutigineqarnera.

Suliniut aappagumiit aallartinneqassaaq.

 

Ukioq manna Kangerlussuarmi Summercampimi pinngortitalerinikkut ilisimatusarnermik ingerlatsinermi misilittakkat tunngavigineqarput, taakkualu tunngavigalugit illuatungeriit isumassarsipput ilisimatusarneq kalaallinut inuusuttunut pikkorissunut ineriartorteqqinniarlugu.

 

- Kallaallit-nunaammi tassaavoq silarsuarmi  misissuiffiit pissanganarnersaat, tamannalu inuusuttortatsinnut iluaqutigitinniartariaqarpoq, kisiannili Kalaallit Nunaanni meeqqat atuarfiani pikkorissunik immikoortiterineq ileqqorineqanngilaq, taakkualu suli pikkorisseqqinissaanut periarfissittarnagit. Tamanali uanga allanngortikkusuppara, taamatut oqarpoq Naalakkersuisunut ilaasortaq Palle  Christiansen.

Talentchef Hanne Hautopip oqaatigaa qallunaat inuusuttut Summercampimut peqataasut ilaatigut 25 gradinik issitsigisumi tupermi sininneq misigisimagaat. 

- Tamannaannarluunniit misigisaavoq annertooq, kisiannili Kalaallit Nunaat ilisimatusarnikkut periarfissanik ulikkaarpoq, taamatut taanna nassuiaavoq

– Tamakkuami suleqatigiinneq pitsaalluinnartunngortippaat. 

 

Kalaallit Nunaat inissisimanermigut, pinngortitami ilisimatusarnikkut, silap pissusaatigut inuusuuttut pinngortitami ilisimatusarnikkut pikkoriffilinnut Danmarkimeersunut neqeroorutissarpassuaqartoq Hanne Hautopip unnerpaa. 

 

 

Kiisalu Naalakkersuisunut ilaasortap Palle Christiansenip erseqqissaatigaa ilinniartitsisut atuartunik pikkorissumik klasseminni sammisaqarnerulersinnaanissaannut ilinniartinneqarnissaat aammattaaq pingaaruteqartoq.

 

-Kalaallit Nunaannimi pikkorissortatta atuarnermik ingerlatsineranni siusissukkut unamminartunik soqutiginninnerulernissaat siunertaralugu neqerooruteqarfigisinnaasariaqarpagut. Inuusuttortavummi tamaasa isumaqarluartunik sassaallerfigisinnaasariaqarpavut, tassa annertunerusumik ikiorneqarnissamik pisariaqartitsisuuppata, minnerunngitsumillu pikkorinnerpaat periarfissarissartittariaqarpavut, naalakkersuisunut ilaasortap Palle Chriatiansenip erseqqissaatigaa.

 

Sorø Sciencetalenterip inuusuttut Danmarkimi pikkorinnerpaat kisiisa ilinniartussatut tigusarpai, pitsaanerpaanillu avatangiiseqartillugu ilisimatusarnikkut teknikikkut atortunik pitsaanerpaanik atortoqartillugit, ilisimatusarnikkullu takorluukkat qanorluunniit imaannanngitsigigaluarpata naammaginartumik periarfissaqartillugit. Ilisimatusarfik Mærsk McKinney Møllers Videncenterimi inissisimavoq.

 

 

Ilisimatusarfiup sammisaa pingaarneq tassa inuusuttut 12-it 20-llu akornanni ukiullit pinngortitalerinikkut ilisimatusarnikkut piginnaasaannik sakkortusaanissaq. Tassani inuusuttut nakorsaatitigut a-tortorissaarutinik, 3D-kkut atortorissaarutinik, matematikikkullu nuannarisanik imaluunniit pinngortitalerinermi unammilligassat ilinniartunut tulluussakkat, atuisullumi tamatigut unammillertarpavut, tamatumunngalu atatillugu takusinnaasarparput maaniikkaangamik pikkoreqatimik akornan-ni iluarusuttartut, imminnullu iluatinnaateqaqisumik ilisarisimalertarlutik, taamatut oqarpoq suli-niummi atatqatigiissaarisoq Uffe Svagaard.

- Uanga isumaqarpunga Kalaallit Nunaanni inuiaqatigiit atugarissaarnerulernissaat ingerlateqqissagutsigu qarasarissortatta aallunneqarnissaat eqqaamassallugu pingaaruteqarluinnartoq, taamaalioruttalumi ilorraap tungaanut ingerlassaagut, Naalakkersuisunut ilaasortaq Palle Christiansen tanngassimaarluni attatsimiinnissamut tullermut ingerlaqqipallatsigani oqarpoq.
 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER