Skip to main content

Sisimiuni anorersuaq

Akunnerup naanerani Sisimiuni aamma anorersuarpoq, timminissat unillutik aqquserngillu inuerullutik 

Piffissami kingullermi illoqarfik apisimallunilu issimmat ukiorpalaalersimagaluarpoq, inuit qamuteralatsik saqqummersimallugit aputeqarluarneralu nuannaarutigalugu. 

Taamaatussaasimanngilarli, akunnerummi naanerani silaannaap kissatsikkiartornini sakkortuumik takutippaa. Ulloq unnuarlu kiattalimmik anorersuarneratigut aput tamangajammi aappoq qaammatit aqqanilissaa qiteqqutinngitsiartoq. Kiannissaa kissaatigineqarsimanngikkaluarpoq, taamaattoq sialuttut anorersuartullu kiinnerluni takkuppoq.

TIlloqarfimmi angallattuerutingajappoq, inuimmi mianersorlutik anisarput, silallerneranimmi aqquserngit quasattupilussuupput sermiinnaallutillu. 

Sisimiulli ima pitsaatigisumik inissisimavoq anori suminngaaneeraluarpalluunniit umiarsualivik oqquartamiilluni.

Pinngortitap nukissuisa takussutissatuaraat malissuit umiarsualiviup avatinnguanut qaarartut. 

Taxat sumiiffinni arlalinni ingerlasinnaanngillat, taxaatilik Steen Jensen oqarpoq: Ingerlatitsinnikkaanni pitsaanerugaluarpoq, taamaatillugumi taxartoq isertaminiit aningaasartuuteqarnerusarpoq. 

Mittarfik inoqanngilaq, timminissat tamarmik unissimammata, mittarfik Sisimiuni biilerluni avannarpasinnerpaamiimmat anorlernikkaajusumi. 

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER