Banknordik siuariartortuarsinnarpoq

Banknordik-ip 2011-mi juulimiit septembarip tungaanut naatsorfuutai siulersuisunit akuerineqaqqammerput.

Naatsorsuutit takutippaat qaammatini siullerni qulingiluani, pigisisat naligisa naapertuussannginneranni akileraarutillu akilinnginneranni 71 miliuuni koruuninik sinneqartooruteqartoq, aningaaseriviup tusagassiuutinut nalunaarutaani tamanna atuarneqarsinnaavoq.

Siorna piffissami tassani naatsorsuutit 40 miliuuni koruuninik amigartooruteqarpoq (Bakkafrost-ip tuninnginnerani).

Amagerbanken-ip ingerlatilernissaanut aningaasartuutit 35 miliuuni koruuniupput. Taakkua aningaasartuutaasimanngitsuuppata sinneqartoorutit 106 miliuuni koruuniusimassangaluarput.

Qaammatini kingullerni pingasuni iluanaaruteqarneq, Amagerbanken-ip sinneqartooruteqarluni ingerlataasa annertusarnerinik pissuteqarneruvoq. Erniat iluarnaarutaanerusinnaalernerat avataaniillu aningaasaliissutit annikilliallatsinnerat aamma sinneqartooruteqarnermut pissutaaqataapput.

Aningaaseriviup aningaasaqarnikkut inissisimanera pitsaalluinnartutut nalilerneqaqqippoq, tamanna tusagassiuutinut nalunaarummi, uuma ataani atuarneqarsinnaasumi atuarneqarsinnaavoq.