Skip to main content

Ivars Silis Tranescenenimi

Københavnimi Bogmesse ingerlanneqarneranut atatillugu Per Folkverip Ivars Silis apersorpaa, taassuma upernaaq atuagaq assitalik Diskobugten Gyldendalikkut saqqummersippaa

Naalagaaffeqatigiinni assiliisartut pitsaanersarigunagaat marluk arfininngornermi Københavnimi Bogmessemut atatillugu naapipput. Politikenip assiliisuata Per Folkverip Ivars Silis apersussallugu.

Atuakkanik saqqummesitsisarfiit annersaasa Forumimi Københavnimiittumi atuakkanik saqqumilaartitsinermi atuakkiortut apersorneqarnissaat aaqqissuuttarpaat, ukiup ingerlanerani atuakkamik immikkut maluginiakkamik naqiterisitsisimatillugit. Gyldendalip aaqqissuussiviani Tranescenemi, assiliisartoq aamma atuakkiortoq Ivars Silis arfininngormat minutsini 15'ini danskit assiliisartuanit Per Folkverimit ulluinnarni Politikenimi sulisumit apersorneqarpoq. Issiavissat 70'it tamarmik ulikkaarmata tusarnaariat ilaat nikorfaannarput. 

- Uanga suli ilinniartuuvunga. Ilinniarnerminnik naammassinninnikut tassaapput Kalaallit Nunaanni aalisartut piniartullu, Ivars Silis aallartippoq ukiut 47'ssaanni Kalaallit Nunaanni inuunini pillugu oqaluttuassalluni.

– Ilulissat isikkui allanngorput ullumi erseqqilluinnarpoq allaat Diskobugtimi ilulissat millisimanerat, tamanna nunarsuup kissatsikkiartorneranit aallaaveqarpoq, Ivars Silis oqaluttuarpoq.

Assiliisartoq danskiusoq Per Folkver aperaaq, soorlu danskit allarpassuit inummut Kalaallit Nunaannut nuussimasumut taama aperikkajuttartu:

- Ukiuni 47'ni nuna najorpat, qanoq sivisutigisumik nunami najugaqartarpat nunaqavissutut taajumagaanni.

- Nunaqavissunngornaviarunanngilanga kisiannili inuiaqatigiinni inooqataasunngortoqartarpoq. Neriuppunga taamaalisimallunga. Innuttaasutut inooqataanera pingaartippara, kisiannili inuiaqatigiinnut akuliulluni innuttaaqataassagaanni aamma pingaaruteqarpoq nunaqqatinit pingaaruteqartutut isigineqarneq. Imminut nunami tikeraartuinnartut isigigaanni aamma tikeraartuinnartut isigineqassaatit taamalu qanoq isumaqarnerit pingaaruteqarpallaassanani, Ivars Silis isumaqarpoq.

Atuakkiortup uani aamma erseqqissaassutigaa nammineq nunamit allamit Kalaallit Nunaannut nuulluni innuttaaqataanermik naliliinini. Silisip innuttaaqataasut nunanit allaneersut Kalaallit Nunaanni angerlarsimaffeqartutut misigisut kalaaliviunngitsulli qanoq taaguuteqassanersut amigaatigaa.  

- Nutaamik oqariartaasiorusuppunga naak taanna qangarsuarniilli atorneqaraluartoq. Kalaallit Nunaanni innuttaaqataasut ilaasa taaguutissaannik amigaateqarpunga. Inuiaat nunami tassani najugallit Kalaallinik taaneqartarput uangalu kalaalinngunngisaannartussavunga, tunuliaqutarigakku letlandimiu/danski, nunamili innuttaaqataavunga oqaaserlu "grønlænding" (kalaallit nunaarmioq), Ivars Silis minutsini 15'ini apersorneqarnermini oqarpoq.

Ivars Silisip atuakkiaa ”Disko – den blå bugt” nalilersuisartunit pitsaasumik nalilerneqarpoq: "Nuannerluinnartumik misigisamiit nuannerluinnartumik misigisamut allamut", "atuakkami pinngortitamit assilisat pinnerluinnartut" aamma "Suliaq kusanarluinnartoq" kiisalu "qaamaneq pitsaanerpaa piffissami pitsaanerpaami nuannerluinnartunik oqaasertalik". Tamakku tassa atuakkamik naliliisut ilaatigut oqaatigisaat. 

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER