Imeq sipaarlugu
Tasiusami, Nanortaliup kujataani innuttaasut Nukissiorfinnit qinnuigineqarput imermik sipaaqqullugit
Tasiusami Nanortaliup kujataaniittumi imermik pilersuinermi ajornartorsiutit pinngorsimapput.
Sapaatip akunnerata naanerani imermik pilersuineq kipisaqattaarsinnaavoq ilaannilu imeerutivittassalluni, Nukissiorfiit nittartakkaminni nalunaarput.
Tamatumunnga pissutaavoq erngup aqqutaata ilaa qerisoorsimammat aammalu imeqarfiup imaarussinnaanera aalleqqutigineqarluni. Taamaattoq naatsorsuutigineqarpoq sapaatip akunnerata naanerani anorersuarluni siallerpat qerinnarunnaarlunilu, imeqarfik imermik nutaamik peqeqqalissasoq.
Tatsip imeqarfiusup issusuumik sikusimanera pissutigalugu imeq missisoruminaappoq, imermilli pilersuinerup pissusissamisooqqilernissaa sulissutigineqarpoq.
Nanortalimmi Nukissiorfiit pissutsit qulaajaaviginiarlugit sulipput, suliamilli naammassinissaata tungaanut Tasiusami innuttaasut imermik ileqqaaqqullugit qinnuigalugit.