Oqallisissiaq: Hans Aronsen aamma Isak Hammond marlunnik oqalerlutik sulipput

Hans Aronsen aamma Isak Hammond kommunalbestyrelse sinnerlugu oqariartormata pisasseeqqittoqartariaqartoq. Taamaattoq Inatsisartuni issiavimminnut ingikkamik isumaat killormorluinnaq saapput Naalakkersuisut pisasseeqqittoqannginnissaanik aalajangernerat taperseramikku, Hans Lyberth Atassutip inuusuttaasa siulittaasuat oqallisissiami taama allapput

Atassut inuusuttaat isumaqarputit IA'p Qaasuisup Kommuniani kommunalbestyrelsemut ilaasortaatitaasa aamma Inatsisartunik issiasut, Avannaani qaleralinniat sumiginnaraat.

Maanna Qaasuitsumi kommunea-ni aalisartut tunisiffissaarulluinnarput taamaasillutillu aningaasarsiorfissaaruteqqallutik saniatigullu tunisassiorfinni sulisorpassuit suliassaaunnermikkut angerlarartiinnarneqarput.

Tassanilu inuit 2.000 missarluinnaat Qaasuitsup kommuniani suliffissaarutissasut, tupinnarpoq Qaasuitsup kommuniani Inuit Ataqatigiit sinnerlugit kommunal bestyrelsemi ilaasortat Hans Aronsen Isak Hammondilu kommunal bestyrelse sinnerlugu oqariartormata pisasseeqqittoqartariaqartoq! Taamaattoq Inatsisartuni issiavimminnut ingikkamik isumaat killormorluinnaq saapput Naalakkersuisut pisasseeqqittoqannginnissaanik aalajangernerat taperseramikku.

Ilumut taamatut innuttaasutut qinikkatta sulinerat akuersaaginnarsinnaavarput?

Atassut-ip inuusuttaanit tamanna kommune-nit qiningaaffimmit kanngunartutut sumiginnaanertut nalilerparput, isumaqarpugullu Qaasuitsumi innuttaasunut salloqittaalluni sulinerusoq.

Atassut-ip Inuusuttaanit isumaqarpugut Qaasuitsumi kommuniani Atassut sinnerlugu ilaasortaasut nalilersorluartariaqaraat ilumut Inuit Ataqatigiit suleqatigiinnarniarnerlugit!

maanna Qaasuitsup aningaasat 30 mill. missaanik ikiorsiinermut atuinerullutik ukioq naasussanngorpaat taamaattoq Hans Aronsen Isak Hammond-illu partiimi sakkutuuaraarusunnerupput kommunemik ikorneraniik!

Nu skal Qaasuitsup Kommunia bruge yderligere 30 mill. på social området fra deres allerede så pressede økonomi, men Hr. Hans Aronsen og Hr. Isak Hammond vil hellere agere trofaste partisoldater for Inuit Ataqatigiit end at bekymre sig om deres kommunes økonomi!

Atassut-ip Inuusuttai sinnerlugit / På vegne af Atassut ungdom


Hans Lyberth

Siulittaasoq / Formand

Powered by Labrador CMS