Skip to main content

Inuit & Dene Games aallartingajalerpoq

Timersoqatigiiffiit aqqaneq-marluk Ilulissani pissartanngorniunnissamut ulluni 14-17 november, 2011 peqataassapput

 

Ataasinngorpat Inuit Games'inik pissartanngorniunneq aallartissaaq, tamatuma saniatigut eqqillit pinnguaataat ilisimaneqannginnerusut aamma ingerlanneqassallutik, taakku Dene Games'inik taaneqartarput. Nunatsinni pissartanngorniunnissamut illoqarfiit qulit peqataatitaqassapput, Ilulissani ataasinngornermiit aallartittuni.

Pissartanngorniunnissat taakku arlaleriarlutik kinguartinneqartarput, maannali tassa ingerlanneqartussanngorput. Peqataasussat illoqarfinnit nunaqarfinniillu ukunanit aggissapput: Nuuk, Sisimiut, Qasigiannguit, Ilulissat, Qeqertaq, Saqqaq, Uummannaq, Qaanaaq aamma Siorapaluk.

Sapaatiuppat nunatsinni pissartanngorniunneq aallarniutaasumik pikkorissartitsinermik ingerlatsiviussaaq dommerit pikkorissartinneqassagamik. Ataasinngorpat pissartanngorniunnerit pisortatigoortumik ammaanersiorneqassapput. Tamanna Ilulissat timersortarfianni ingerlanneqassaaq, unammissutigineqassallutik: Stick Pull, Finger Pull aamma Two Foot High Kick.

Marlunngornermi novembarip 15'ianni unammissutigineqassapput: One Hand Reach, Triple Jump, Kneel Jump aamma One Foot High Kick. Pingasunngornermi: Alaskan High Kick, Head Pull aamma Pole Push. Kingullerpaaq silami ingerlanneqassaaq, sila ajunngippat.

Sisamanngornermi novembariop 17'iat: Arm Pull, Leg Wrestle, Air Plane aamma Knuckle Hop.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER