Skip to main content

Meeqqanut filmi

Meeqqat Ilulissani ulluni makkunani meeqqanut inuusuttuaqqanullu Buster Filmfestivalimi nuannisarsinnaapput

Meeqqanut inuusuttuaqqanullu Buster Filmsfestival, Ilulissani kulturikkut illumi Sermermiuni ataasinngorneq 7. november aallartippoq 10. november ilanngullugu ingerlassalluni.

Meeqqat meeraaqqerivinniittartut filmit naatsut tallimat ippassaq isiginnaarpaat, ilaat oqaasertallit ilaat oqaasertaqanngitsut allat kalaallisut nipitallit.

Atuarfinni atuartunut mikinernut takutinneqassaaq "Familien Tyksen", akullernut Avannarlermiut naatsunik filmiliaat, atuartut anginernut "Jeg sakner dig" takutinneqassalluni.

- Københavnimit aaqqissuunneqartartoq Buster Filmfestival Ilulissani kulturikkut illu Sermermiunut attaveqarpoq, namminnerlu filmertitseqattaarnissaq aaqqissuullugu, Anna Semionsen,  Qasuitsup Kommuniani sunngiffimmi sammisassanut ingerlatsisoq oqarpoq.

Filmit assigiinngitsut aningaasarsiornermik aallaavilimmik atorneqartussaanngitsut oqariartuutillilli, Kulturikkut Illu Sermermiut aammalu illoqarfimmi filmernermik soqutigisallit peqatigiiffiat Biffen suleqatigiillutik takutissavaat. Peqatigiiffik Sermermiuni kisermaassilluni filminik takutitsisinnaatitaavoq.

Busters Filmfestival,  Nuuk aamma Sisimiuni ingerlanneqareerpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER