Nissiaqqat saqqummikaseqaat
Qaqortumi juulleriartornera malunnarpoq. Sapaatip akunnerata naanerani Niuernermut Ilinniarfiup juullimut niuertitsineq nittarsaanniarlugu illoqarfimmi aqqusinerni nissiaqqat takussaatippai
Qanorluunniit piumanngitsigigaluarutta juullissaaq. Tamanna aamma Qaqortumi nissiaqqat Nukata Amossen aamma Laila Jensen Kreutzmannip Niuernermik ilinniarfimmi juullimut tuniniaanermik ileqquliussanngorsimasup ingerlanneqarneranut nipiliornerisa paasinarsisippaat.
Niuertitsineq decembarip pingajuanni ingerlanneqassaaq.
Nissiaqqat nipiliornermikkut illoqarfimmi innuttaasut kajumissaarpaat nuersaaqqullugit nerisassioqqullugillu aammalu niuernermik ilinniarfimmi juullimut tuniniaavissamik inniminneeqqullugit.
Juullimut tuniniaasoqalerpat soorunami aamma nipilersortoqassaaq, meeqqanut ini juullerpalaartoq immaqalu juullip inua aqqusaarluni aamma isissaaq.
Niuertitsineq serviceøkonomingorniarlutik ukioq siulleq atuartut atuarnerminnut atatillugu aaqqissuuttarpaat. Tamatuma saniatigut atuarfimmi atuartut ilinniartitsisullu tamarmik juullerpalaartumik anersaarissimaarlutik ikiuuttarput.