Skip to main content

STTK: Eqquiniaasitsinermi oqilisaasoqartariaqarpoq

Eqquiniaasitsinermi akitsuutip qaffanneratigut bingomi isertitat ikilinissaat, taamaalilluni sinerussami radio- aamma tv-qarfiit isertitaqarnerunissaat ajalusoorluni 

Tamanut nalunaarummi sinerissami radioqarfiit tv-qarfiillu kattuffiat STTK allappoq eqquiniaasitsinermi akitsuutip 15 procentimniit 30 procentinut qaffanneqarnera kinguneqarnerlussasoq: 

...Sinerissami lokalradio- aamma tv-qarfiit imminut napatinniarnerminni bingo ulluinnarni tapertarilluartarpaat, kisiannili ukiuni kingullerni bingomi kaaviaartitat annikilligaluttuinnarput, ilaatigullu amigartooruteqarfiusarlutik.

Ernumassutigisariarpoq akileraarutip marloriaammik qaffanneqarneratigut bingomi peqataasartut ikileriarnissaat. Tassami nunani allamiut aningaasanoornikkut pinnguaataat ullumikkut, soorlu Lotto il.il. Nunatsinniit annertusigaluttuinnartumik peqataaffigineqartarput, taakkualu eqqugassarititaasa annertussusaat Nunatsinniit unammillersinnaanngilluinnarpagut. Sulilu ernumanarneruvoq pisortatigoortumik interneti aqqutigalugu aningaasanoorsinnaaneq ukiumi nutaamiik ammaanneqassammat. Taamaasilluni aningaasanoorneq aqqutigalugu Nunatsinniit aningaasat anninneqartartut annertuseriarujussuarsinnaapput.

Soorlumi pissusissamisoornerussagaluartoq maani Nunatsinni peqatigiiffiit, timersoqatigiiffiit, suliniaqatigiiffiit, atuartut allallu katersuiniartartut oqilisaaffigigaanni, taakkuami aningaasat maani Nunatsinni iluaqutissanngorlugit atortarpaat.

Assersuutigalugu maani Nunatsinni neqeroorutit/nioqqutissiat ilaat Nunatta karsianit tapiiffigineqartarput, illuatungaanillu neqeroorutit/nioqqutissiat nunanit allaneersut akitsuuserneqartarlutik, tassani siunertaalluni sapinngisamik aningaasat amerlanerpaat Nunatsinni kaaviaartinneqarnissaat....

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER