Kalaallit Nunaat Kina'mi
Kalaallit Nunaat nunarsuarmiunit soqutigineqassaqaaq. Nunap aatsitassaqarnera kisiat pissutiginagu aammali sermersuup silap pissusaasut tunngassutilimmik nutaani isumassarsiortitsisariaqarnera pissutigalugu
Taama isumaqarpoq Damien Degeorges, taassuma maannakkut nunarsuarmi sumi tamani angalalluni Kalaallit Nunaata qanga siunissamilu inissisimanera oqaluttuareqattaarpaa.
Nunat Kinatulli angitigisut Issittumi Sikuijuitsumilu issittut pillugit ilisimasassarsiornermi nunat tamalaat suleqatigiinneranni akuunerulertinnissaat anguniarneqarpoq.
- Sammisaq pingaaruteqarpoq aamma nunarsuarmioqatigiinnit ataatsimut soqutigineqartariaqarluni, immap qaffariartorneranut paasissutissat pitsaanerpaat aammalu silap pissusaata allanngoriartorneranut naleqqussaatissat pisariaqartut issittuni nassaassaammata, Damien Degeorges oqarpoq.
Damien Degeorges, franskiusoq ph.d'millu ilisimatusartoq, ilinniarnerminut atatillugu allaaserisani, Kalaallit Nunaata Issittumi sunniutai qaammatip tulliani Université Paris Descartes, illersussavaa. Taanna issittuni silap pissusaa pillugu suleqatigiinneq pillugu franskit institutsianni Beijingimi oqalugiareerpoq. Tullissaatut oqalugiaatigaa silap pissusaa pillugu Issittumi suleqatigiinneq Kalaallit Nunaat immikkut isiginiarlugu, taanna oqalugiaatigaa Institute of Polar Regions Politics and Law ved Ocean University of China i Qingdao'mi.
Kalaallit Nunaat sapaatip akunnerani uani soqutigineqaqaaq naalagaaffeqatigiit iluanni issittumi iliuusissaq Bejingimi danskit ambassadeqarfianni saqqummiunneqarmat.