Nuummi siullermeerluni apivoq
Takkutiinnaqaaq Nuummi aput siulleq
Aallaaserisaq Sermitsiami suliffimmik misiliisumitDitte Roien Poulsen allanneqarpoq. Ditte 15'inik ukioqarpoq Nuussuup Atuarfiani 10. klassemi atuartuuvoq
Kiisami ullaakkut iterluta igalaakkut qiviarluta aput qaqqorik takusinnaalerparput.
Amerlasoorpassuarnit aputeqalernissaa utaqqineqarpoq aammami ukiuni kingullerni silap pissusaata allanngoriartorneranit nunarsuarmi sila allanngornerata, nunatsinni apisarnera allanngorartillugu sunnersimammagu.
Taamaattoq anorlerluni masannartuliorlunilu Kalaallit Nunaanni ukiorniarsarivoq. Taamaakkaluartoq meeqqanit ilassilluarneqarpoq takusinnaavagummi meeqqat sinngortissimallutik paradiisimiiginnarlutillusooq anerrattut.
Sulili aput inuppassuarnit nuanniigineqarpoq. Siku eqqaaginnariartigu aqquserngillu pisuffissagut quasangaartut. Juullili qallippat tamatta aput sungiussimalissavarput. Juullimi aputeqanngitsoq suugami?