Kangerlummi aalisarneq unitsinneqartoq

Ilulissat Kangerluabu aalisarneq marlunngorneq oktobarip 25'at 2011 unitsinneqassaaq qaleralittassiissutit ilaneqanngippata. Taama nalunaaruteqarpoq Bernhardt Olsen, Qaasuitsup Kommuniani Siumut sinnerlugu kommunalbestyrelsimut ilaasortaatitaasoq.

- Qaammatini makkunanerpiaq Ilulissat kangerluani aalisartartut qimussimik qaleralinniarneq aallartittaraluarpaat, Bernhardt Olsen oqarpoq.

- Aatsaallu perngaamik kangerlummit aalisarnermit aningaasarpassuit isaatinneqarsinnaagaluarput, taama qaleraliup akiata qaffatsiginerata kingorna. Aallarnerit tamaasa aalisartut 4.000 koruunit missaat isertinneqarsinnaapput sapaatik akunneranut 10.000,- koruunitut naatsorsorneqartarluti.

- Kangerlummi aalisarnermik ingerlatsisartut ulluni makkunani aalisarnissaminnik piareersaaleraluarput, pisassalli nungummata uniinnartariaqarput. Kangerluup iluani aalisartartut novembarimi tamarmik 50.000 koruuninik annaassaqassasut Bernhardt Olsen tikkuaavoq.

- Aalisartut 20'nit ikinnerunngitsut novembari qaammat isertitassagaluat 1 million koruunit missaat annaassagaat eqqoriaavoq. Aningaasat Ilulissani ulluinnarni pisiniarfinni kaaviiaartitassaagaluit.

- Kangerlummi inuussutissarsiorluni aalisartarneq taamaattoq ukiuni 100'ni unitsinneqarsimanngisaannarpoq, Bernhardt Olsen oqarpoq.