KNR'imit ilanngutassiaq isornartoq peerneqartoq
KNR'ip nammineq aallakaatitassiami naammagittaalliutigineqarnera tusarusunngilaa. KNR-TV KODA AWARDS aallakaatinneqarnerata isornartorsiorneqarnera ippassaq unnukkut aallakaatinneqartussaagaluaq taamaatiinnarneqarpoq
Oktobarip aallartinnerani KNR-TV KODA AWARDS toqqaannartumik aallakaatinneqarpoq assorsuaq nipilulluni. Tamanna Nipilersortartut Kattuffiannit aammalu Eqqumiitsuliornermik Pinngorartitsisut Ingerlatsisuniillu sakkortuumik Nuuk TV aamma www.sermitsiaq.ag aqqutigalugu isornartorsiorneqarpoq. KNR'ili qisuariaateqanngilaq.
Sisamanngorneq Aasiaat TV/Radio, Eqqumiitsuliornermik Pinngorartitsisut Ingerlatsisullu siulittaasuannik KNR'ip nipiluppallaarluni aallakaatitsisimaneranik oqaloqarluni aallakaatitassiorpoq.
KNR'ip paasigamiuk aallakaatitassiaq isornartorsiummik imaqartoq, Tusaat-TV Aasiaap aallakaatitassiaa sisamanngornermi aallakaatinneqartussaajunnaarpoq.
Taama EPI, siulittaasua Leif Immanuelsen tusagassiivinnut nalunaaruteqarpoq isumaqarluni akuerineqarsinnaanngitsoq:
- Kikkut tamarmik oqaaseqarsinnaanerannik killilersuinerusoq akuerineqarsinnaanngitsoq.
Tallimanngornerup ullap tungaa KNR oqaaseqartissinnaasimanngilarput.