Skip to main content

Kalaallit Nunaata sapiitsortai plakatiliarineqartut

Julie Edel Hardenbergip takorluukkat piviusunngortillugillusooq assit atorlugit suliai saqqummersinneqartut 

Qanoq akulikitsigisumik kalaallit sapiitsut takusarpagut? Imaluunniit filmini akisoorsuarni pingaarnertut inuttaasarpat?

Apeqqut taanna  Julie Edel Hardenbergip eqqarsaatersuutigisimavaa assinillu suliaq Sapiitsut/Heroes maannakkut saqqummersinneqartussaq pilersillugu.

Assiliisartoq Lars Frederik Andersen peqatigalugu plakatit 16'it suliarisimavai, amerikamiut europamiullu filmiliarisartagaasa ilisimalluakkatsinnut assingusunik tamaasa isikkulerlugit. Quiasaarisut, tiguaanernit filmiliat, paasunik filmiliat, asanninnilersaarutit aammalu meeqqanut naleqqussakkat. Filmilli tamakku ussassaarutigineqartut filmertarfinni takuneqarsinnaanngillat; piviusuunngimmata.

Eqqumiitsuliortup takorluukkat silarsuaat Hollywoodiminngaanneersoq atorlugu sapiitsunik pilersitsivoq. Kalaallit Nunaanni inuit nammineq nuannaartorineqarsorisani takutippai. Anartaajaasartoq, qatserisartoq, ilinniartoq inuusuttoq, aataq aamma erngutaq, ikinngutigiit inuppassuillu allat nalinginnaasumik kalaallit isigineqartarnerannit allaanerut. Aammalumi immaqa sapiitsunik takorloortakkanit allaanerusut. 

Saqqummersitsineq Iben Mondrupimit aaqqissuunneqarlunilu akisussaaffigineqartoq Katuami oktobarip 28'annit 2011 novembarip 13'iannut takuneqarsinnaavoq aammalu Fotografisk Centerimi novembarip 25'annit 2011 januaarip arfineq-aappaa 2012.   

Fotografisk Center, Carlsbergip maqitsivigisimasaani tapperihallernimi Vesterbromiittumiippoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER