Skip to main content

Toqqissisimasumik meeraaneq oqaluuserineqartoq

Aatsaat perngaamik inuusuttuaqqat Kalaallit Nunaanni tamaginneersut 40-t kateritsinneqarput, nunatsinni meeqqat inuusuttuaqqallu pisinnaatitaaffiinik atugaannillu oqallitsinneqassallutik. NAKUUSA Youth Forum Ilulissani ingerlanneqarpoq 

Meeqqat tusaaneqarnissartik pisinnaatitaaffigaat. Tamanna Naalagaaffiit kattuffiannit isumaqatigiissummi allassimavoq, taannalu tunuliaqutaralugu Kalaallit Nunaanni Namminersorlutik oqarussat aamma UNICEF Danmark ataatsimeersuarneq NAKUUSA Youth Forum, Nunatsinni illoqarfiit annersaasa pingajuanni Ilulissani ammarneqarpoq.

Inuusuttuaqqat toqqakkat 13 aamma 15 akornanni ukiullit nuna tamakkerlugu aallaavillit ataatsimeersuarnermi peqataaffigisaanni, inuusuttuaqqat namminneq isumaat naapertorlugu Kalaallit Nunaanni toqqissisimasumik meeraanissamut ilisimasaannik katersiviussaaq. Tamatuma saniatigut pisinnaatitaaffiit pillugit ilitsersuunneqassapput, angerlarunik attaveqaatit assigiinngitsut atorlugit namminneq oqallinnernut peqataasinnaanngornissaannut sakkussanik ilitsersuunneqassallutik.  anguniarneqassalluni. 

- Nuna tamakkerlugu sumiiffinnit tamalaanit inuusuttut katersuuttarnerat nalinginnaanngilaq, oqaluuserisassaq pingaarutilik eqqartussallugu, uagut qilanaarisorujussuuarput oqaasissaat tusassallugit, Ilaqutariinnermut, kulturimut, ilageeqarnermut naligiissitaanermullu naalakkersuisoq Mimi Karlsen oqarpoq. Taanna tallimanngorpat Ilulissiassaaq naammassinermi nalunaarut politikkerinullu innersuussutit inuusuttut NAKUUSA Youth Forum'eqartinneqarnerinit allakkanik aallerluni.  

 

Akissutissarsisariaqarpagut
Aki-Matilde Høegh-Dam, 15'inik ukiulik Sisimiuneersup inuusuttuaraqatini ajornartorsiutillit ikiornissai soqutigaa, NAKUUSA Youth Forum'imi peqataanissaminut qilanaartoq. 

- Sooq inuiaqatigiinnit ilaqutariit atugarliortut annermik ikiorniarneqanngillat, Aki-Mathilde aperivoq. Taanna ikinnguteqarpoq ajornartorsiutinik imaannaanngitsunik sorsutalinnik.

- Naatsorsuutigaara inuusuttuaqqat oqallinnermikkut akissutisiniarsarissagaat meeqqat pitsaanerusumik atugaqarnissaannut aqqut.

NAKUUSA Youth Forum'ip ingerlanneqarneranit ilisimasaalersussat MIPI peqatigalugu allattugaatigineqalissapput, tamatuma saniatigut SFI'mik misissuineq ukiuni tulliuttuni tallimani ingerlasussaq aallartinneqassaaq. 

 

NAKUUSA pillugu
NAKUUSA Youth Forum UNICEF-p Naalakkersuisullu ukiut tallimat suleqatigiinnissamik isumaqatigiissummit (NAKUUSAMIK atsikkap)  suliniuteqartoq januaarimi 2011 aallartinneqartoq. Suleqatigiinnermi anguniarneqarpoq kalaallit meerartaasa inuusuttortaasalu pisinnaatitaaffimminnik ilisimasaqarnerulernissaat.

NAKUUSA Youth Forum Ilulissani Perorsaanermik Ilinniarfik suleqatigalugu aaqqissuunneqartoq oktobarip 17-iannit 21-annut ingerlanneqartussaq. Ataatsimeersuarneq ilaatigut Bikubenfonden aamma Dronning Margrethe aamma Prins Henriks Fond'imit tapersersorneqarput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER