Naajaat Wikipediap saqqaani
Aggustip 9-ani 2007-mi Kim Hansen inuunermini alutornarnerpaamik takusaqarpoq, Nunaqafimmi Naajaani. Ullumikkut assilisaasa ilaat Tuluit Nunaanni Wikipediami takuneqarsinnaavoq
- Upernaviup eqqaani silagilluinnarpoq, allaaqeqaluni isikkivigilluinnarluni qatsunganersuullunilu.
Taama oqarpoq Kim Hansen Sermitsiaq.AG -mut septembarip 9-a 2007 pilllugu, nulianilu angallammik attartorsimasoq angallatip pisortaa taamanikkut Upernavimmi pinngortitamik siunnersortaasoq Martin Hjort, maannakkullu Nuummi politiusoq angalatitsisoralugu, nunaqarfinnut sermersuarmullu angalanissamut.
- Nuliara nakorsaanertut siusinnerusukkut nunaqarfinnut tikeraarnermini Naajaanut aqqusaarsimavoq, nunaqarfimmilu innuttaasut pinngortitarsuarlu nuannarisimaqalugit. Taamaattumik tikikkusussimavarput, Kim Hansen oqaluttuarpoq.
- Upernavimmi tikilluaqqusaasimaqaagut, naak taartaanartut angalagaluarluta. Upernavik qeqertaavoq mikisunnguaq, susassaaleqinarmallu nunap immikkoortuani naasunik assiliisalerpunga, katillugillu naasut 33-it assiliaatigilerpakka.
Assilisaa ullumikkut uani Tuluit Nunaanni Wikipediap saqqaaniittoq aamma ersarinnerusunngorlugu takusinnaavat.
Tuluit Nunaanni Wikipedia taqssaavoq nunarsuarmi nittartakkat takuniarneqarnerpaat arfiniliat. saqqaalu ullut tamaasa atuisunit 4 million missaaniittunit takuniarneqartarpoq. Saqqaanut pigaangamik atuisut 6-10.000-it assimik paasiniaasarput, taamaalilluni taanna Kalaallit Nunaanni pinngortitamik saqqumilaartitsineruvoq.