Skip to main content

Inatsisartut naalakkersuisunut isumaqataapput

Inatsisartut aamma naalakkersuisut erseqqissumik danskit naalakkersuisuinut kissaateqarput  CIA-ip nunarput qulaallugu timmisartuussisarsimanerisa arlaannaannulluunniit attuumassuteqanngitsumik misissuiffigineqarnissaat pillugit

Inatsiasartut Nunanut allanut Sillimaniarnermullu Ataatsimiititaliaata Naalakkersuisut isumaqatigalugit piumasaqaatiginiarpaat tigusanik timmisartuussisarnermut atatillugu CIA-ip arlaannaannulluunniit attuumassuteqanngitsumik misissuisitsinissamik piumasaqarnissaq.

Tamanna erserserpoq ippassaq Nunanut allanut Sillimaniarnermullu Ataatsimiititaliaq Naalakkersuisut Siulittaasuannik Kuupik Kleistimik apersuilluni isumasioqateqarpoq. Tamatumani sammineqarpoq tigusanik timmisartuussisarnermut atatillugu CIA-ip nunatta silaannartaanik nunatsinnilu mittarfinnik atuisarsimaneranik arlaannaannulluunniit attuumassuteqanngitsumik misissuisitsinissamik danksit naalakkersuisuisa nutaat itigartitsinerannut Naalakkersuisut qanoq isumaqarnersut.

 

Apersuinermi Naalakkersuisut Siulittaasuata ilisimatitsissutigaa Nunat Avannarliit Siunnersuisoqatigiiffiata Københavnimi ataatsimiinneranut atatillugu danskit nunanut allanut ministeriannik ataatsimeeqateqarnissani isumaqatigiissutigisimallugu, ilaatigullu apeqqut manna oqallisiginiarlugu. Ataatsimiititaliap ataatsimiinnermi angusat pillugit Kuupik Kleistimit ilisimatinneqarnissani qilanaara.

 

Piumasaqaat erseqqissoq

 

Apersuinermi arlaannaannulluunniit attuumassuteqanngitsumik misissuisitsinissap danskit naalakkersuisuinut aalajangiusimaneqassasoq tamanit isumaqatigineqarpoq. Taamaalilluni Inatsisartut Naalakkersuisullu apeqqummi matumani ataatsimoorput, danskit naalakkersuisuisa qaangiinnarsinnaanngisaannik.

'Maanna tassa apeqqutaalerpoq danskit naalakkersuisui piareersimanersut nunatsinnit piumasaqaatip naammassinissaanut.

Suliassaq manna imaalluarsinnaavoq takutitsisoq Namminersorneruneq pillugu inatsimmi siunertarineqartumik ”Danmarkip Kalaallit Nunaatalu akornanni peqatigiinnermi naligiimmik ataqqeqatigiinnerup tatigeqatigiinnerullu siuarsarnissaannik kissaateqarneq”-mik danskit naalakkersuisui qanoq paasinnissimanersut, Inatsisartut tusagassiorfinnut nalunaarumminni naliliipput.

 

Nunanut allanut Sillimaniarnermullu Ataatsimiititaliaq tallimanik ilaasortaqarpoq, siulittaasoq Justus Hansen (Demokraatit), siulittaasup tullia Juliane Henningsen (Inuit Ataqatigiit), Jane Petersen (Inuit Ataqatigiit), Aleqa Hammond (Siumut) aamma Knud Kristiansen (Atassut).


 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER