Skip to main content

Robin Hoodimut suliaq kinguartinneqaqqippoq

Illersuisoq suli napparsimavoq - eqqartuussiviit qullersaanni sapaatip akunnerani eqqartuussinissaq piffissalerneqarpoq 

Eqqartuussiviit qullersaanni eqqartuussisoq Per Walsøe eqqartuussisoqatinilu ullaap tungaani sivikitsuinnarmik sulipput. 

Tamanna pivoq naalagaaffimmi eqqartuussiviit qullersaanni ullaq manna aappassaa Angut Kleistimik eqqartuussinissaq kinguartinneqarmat, illersuisua Wilhelm Malling nuallunnertut ittumik suli napparsimammat. 

Angut Kleist Nanortallip Robin Hoodiatut ilisarsimaneqarnerusoq aamma taama peqquteqarluni eqqartuussivimmut takkutinngilaq, Østre Landsretimi pillaanissamik aalajangiinerup misilinneqarnissaanut. Tassani ukiup aallartinnerani akunnerni 100-ni inuiaqatigiinni sullissisussatut eqqartuunneqarpoq, kiisalu katsorsartinnissamik, illoqarfiup eqqartuussiviani pinngitsuutinneqariarluni. 

Suliami pingeqartut tassaapput 421.500 koruunit Angut Kleistip atorsimasai, 2008-mi BRF Bankip kukkuluttornermigut 1,3 million koruunit kontoanut ikimmagit. 

Aningaasat taakku ilai Angut Kleistip ilaatigut angallammik nutaamik pisissutigai, ilaquttani oqarsuaatinik angallattakkanik pitsillugit minnerunngitsumillu kujataani illoqarfeqatini pisariaqartitsisut tukkuujoorfigalugit, taamaalilluni Robin Hoodimik ateruseqalerluni.  

Aningaaserivik naapertorlugu aningaasanik nuussinermi kukkusumik inuup normuanik toortaasoqarsimavoq, Angut Kleistilu nassuaalluni isumaqarpoq aningaasat lottomi eqqugaasimassasut. Taamaattorli lottomut eqquiniut ukiut sisamat tamatuma siorna pisiarisimavaa, taamaalilluni aningaasatsiarsuarnut kontoaniileriataartunut attuumassuteqarsinnaanani. 

Angut Kleist tusagassiuutinik nuannerisaqartorsuunngitsoq eqqartuussivimmut takkutinngimmat tamanna peqquteqarunarpoq Nanortalimmut angerlarsimammat. Naallu eqqartuussiviit qullersaanni eqqartuussisup Per Walsøep pingaartikkaluaraa suliap ingerlatipallannissaa, taamaattoq eqqartuussiviit qullersanni eqqartuussinissaq aatsaat pissaaq sapaatip akunnialui qaangiuppata.  Taassumalu tungaanut Angut Kleist naammagittartariaqarpoq, tassanilu taamaallaat pineqaatissiineq suna atorneqassanersoq pineqarpoq, pisuunermut tunngasoq pineqarani.  

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER