Robin Hood ullumi Eqqartuussiviit qullersaanni sassartinneqarpoq

Illoqarfiup eqqartuussiviata pinngitsuutippaa, nunatta eqqartuussiviata akiliisussanngortippaa. Ullumilu sisamanngornermi suliassaq Robin Hood-mut tunngasutut taaneqartartoq, eqqartuussiviit qullersaanni suliarineqarpoq

Kukkusoqarsimanera paasineqartinnagu, inuit Brugsen-imi pisiniartut akiliuttarlugit kiisalu ikinngutini ilaquttanilu assigiinngitsunik pisissuttarlugit, 400.000 koruunit Robin Hood-ip atorsimavai. Ass.: Leiff Josefsen

Angutip kalaallip ilumut 1,3 miliuuni koruuninik konto-minut ikisisoqarsimammat eqquisimasorisimava - 400.000 koruunillu imminut allanullu atorlugit?

Tamanna eqqartuussiviit qullersaanni ullumi aalajangiiffigineqassaaq.

Angut, Robin Hoodimik taaneqartalersoq, 2008-mi kukusoqarneratigut aningaasarpassuarnik kontominut ikisisoqarmat, Tysklandimi eqquiniarnermini eqquisimasorisimalluni illoqarfiup eqqartuussiviani nunattalu eqqartuussiviani oqarluni pinngitsuunerarpoq.

Paasinarsivorli ukiut sisamat siornatigulli eqquiniarnermut tassunga ilaasimasoq. Tassa 2004-mi.

Powered by Labrador CMS