Skip to main content

Kalaallit Nunaat nuna navianartoq?

The economistimi nunat assigiinngitsuni inuartarnerit assersersuunneqarput. Kalaallit Nunaat siuttut ilagaat  

The economistip mianersortunnguamik nunarsuarmi aningaasaqarnikkut ajornartorsiorneq inuarnerit amerlassusaannut naleqqersuuppaa. sTamanna pivoq FN-imi ineriartortitsinermut suliniuteqarnermi United Nations Development Programimi kisitsisit tunngavigalugit, nunarsuaq tamakkerlugu inuiaqatigiit ineriartornerannik pinerlunnermillu misissuinermut atatillugu. Ilaatigut Afrikamiit tutsuiginartunik kisitsiseqanngilaq. 

2010-mi nunarsuarmi tamarmi inuit 468.000 inuartarineqarsimapput, immaqalu Afrikami kisitsisit qaffasinnerugaluartut taamaattoq toqutsinerni 468.000-ni Afrikap 36 procenti ataassimavai.

Sydamerikami pingajorarterutaasut toqunneqarsimapput, tassalu 2010-mi inuit 120.000-it.  

Nunarsuaq tamakkerlugu agguaqatigiissitsigaanni, tassalu nunarsuarmit inuit tamaasa katersoraanni killeqarfiit aningaasaqarnikkullu ajornartorsiorneq peerlugit inuit 100.000-iugaangata toqutsinerit 6,9-usarlutik. Tassanilu Kalaallit Nunaanni kisitsisit maluginiagassaapput. Toqutsinerimmi nunarsuarmi agguaqatigiissillugu kisitsimmit amerlanerupput. Nunatsinni naatsorsueqqissaartarfimmi politiit kisitsisaataasa takutippaat 2010-mi inuit 11-it toqunneqarsimasut. 

Taamaallaat Danmarkimi Kalaallillu Nunaanni pinerlunnerit assersuunniaraanni toqutsinermut kisitsisit takutippaat Danmarkimi 2010-mi inuit 100.000-iugaangata 0.9-t toqunneqartartut. Nunatsinni tamanna imaappoq inuit 100.000-iugaangata 10,5 toqunneqartarlutik, ukiormi tassani (inunnut 56.000-inut nuukkaanni tamanna Danamrkimiit 20-riaammik qaffasinneruvoq.). 

Nakuusernikkut pinerlunnerit nalunaarsukkat 2010-mi Danmarkimi inunnut 10.000-inut 19-iupput. Ukioq taanna nunatsinni politiit kisitsisaatigaat inuit 10.000-ugaangata 140-it nakuuserfigineqartartut nalunaarsorneqarsimasumik. 

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER