Skip to main content

Illoqarfiit sisamat qitinnermik festival'erfiussapput

Qittartut arfineq-pingasut Norgemi Bårdar Danseteater og Akademi'meersut Paamiut, Nuuk, Sisimiut aamma Tasiilaq tikillugit qitinnermik takutitsiffigalugillu sammisaqartitsissapput 

Qitinnermik nuannarisaqaruit qitaasapajuttarlutit, timit aalarusulluni eqqissiviippat, taava periarfissatsialak qatangiinnartinnagu qitinnermik festivalertitsinissamut OuterVision peqataaniarlutit allatsitgit. Maani ilaatigut HIP HOP, jazz, ballet imaluunniit tango ilinniarfigisinnaavatit takutitassiarlu DANCE isiginnaarlugu. Kikkulluunniit tallimaniit 90-inut ukiullit akeqanngitsumik qitinnermik ilinniartinneqarsinnaapput. Taama tusagassiivinnut nalunaarut Katuamit nipeqarpoq.

Meeqqanut inuusuttunullu sammisaqartitsisoqassaat illoqarfinni tikitassaanni tamaginni.

- Outervision 2011 ingerlanneqarnissaa qilanaareqaara. Nuannariuaannarpara qitinnermik nuannarisaqarnera inuiaqatigiit kalaallit akornanni angerlarsimasutut misigisimaffinni takutissallugu. Nunatta sineriaani qitissinnissamut ilinniartitsinissamullu periarfissineqartarneq nuannersorujussuuvoq, Alexander Montgomery-Andersen, Bårdar Danse Akademiimi ilinniarsimasoq Nuummilu angerlarsimaffeqartoq oqarpoq.

OuterVisionimik aqutsisoq, Susanne Andreassenip nuannaarutigaa suliniut aningaasaateqarfinnit inunnillu ataasiakkaanit aningaasalersorneqarsimammat. 

- Ruth aammma Alexander Montgomery-Andersen, suliniummut tunniulluarsimapput sutigut tamatigut ikiuukkusunnertik ersersillugu. Suliniut angivoq maannakkullu suut tamarmik inissileriarmata pissanganartorujussuanngorluni. Qitittartut ullut arfineq-marluk qaangiuppata tikittussat utaqqiinnalerpagut - taava aallartissaagut Susanne Andreassen oqarpoq.

Maannakkut qitittartut Norgemi takutitassartik Dance sungiusarpaat, taanna Nuummi oktobarip 15-iat takuteqqaarneqassaaq.  Suna tamaat angumeriniarlugu ullaakkut nal. 9-miit unnukkut 21 tikillugu qitittassapput. 

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER