Toornara – Inuusuttunut atuagassiaq nutaaq

Inuusuttunut atuagassiaq nutaaq oktobarip 28-at saqqummissaaq

Inuusuttunut atuagassiamik nutaamik saqqummersitsisut: Paarnaq Larsen, Paninnguaq Fleischer-Lyberth aamma Kirstine Kreutzmann fra Sisimiut. Saqqummiussinermi assilisaq

Nunatsinni inuusuttunut atuagassiaq kiisami atserneqarpoq saqqummeqqaarnissaalu ullulerneqarluni. Arnat pingasut inuusuttunut atuagassiamik saqqummersitsiniat Paarnaq Larsen, Paninnguaq Flesicher Lyberth aamma Kirstine Kreutzmann, tamarmik Sisimiuneersut nalunaarput.

Atuagassiap atissaanik unammisitsineq pissanganartoq ingerlanneqareersoq atuagassiap atissaa nassaarineqartoq, saqqummersitsiniat oqaluttuarput.

Atuagassiaq "Toornara" aamma isumalik ikiortigara.

Atuagassiap atissaanik unammisitsinermi ajugaasoq tassa Jens Rosbach.

Jens Rosbach siunnersuunni tunngavilersorpaa begrunder sit forslag således:

“Toornaq inummut iluaqutaavoq, aammalu toornaq siumut isigititsisarmat , imminut tatiginermik pilersitsisarmat minnerunngitsumillu toornaq illersuutaavoq inuttaminut ikiortaasoq. Aviisi una inuusuttunut ikiortaasinnaavoq, toornaralugullusooq, soorlu aamma toornaq tarnikkut nakuussutigineqartartoq”

Toornara siullerpaaq tallimanngorneq oktobarip 28-at illoqarfinni tamani pisiarineqarsinnaassaaq.

Inuusuttut makku atuassallugit qilanaarisinnaavaat: Asanninneq, rappertartoq tusaamasaq, kunissinissamut siunnersuutit aliikkutassiallu allarpassuit. Inuusuttunut atuagassiaq tamatigoortumut qilanaarit, ilaatigut PlayStation 3-mik eqqugassartalimmik.

Utaqqisinnaanngikkuit nittartagarput www.toornara.com alakkaruk imaluunniit facebookkimi quppernerput alakkaruk Teens kalaallit ataani.

Paarnaq Larsen mediegrafikerisut ilinniagalik atuagassiamik ilioraasuullunilu ilusilersuivoq. Paninnguaq Flesicher Lyberth tusagassiortuuvoq kiisalu Kirstine Kreutzmann, coach'iuvoq inuusuttunut sammisassaqartitsinermik siunnersuinermik aaqqissuinermillu suliaqarluni.

Powered by Labrador CMS