Minutsit 20-t miss. attaveeruttassaaq

Seqerngup nipaata ullut qulingiluat tulliuttut dankortit internettillu attaveqaataat sivikitsumik qamittarsinnaavai

Arfininngorneq nal. 11.45-12.05 akornanni internettimut attaviit ajortissappat, pinngortitaq pillugu ilisimasat tunngavigalugit nassuiaatissaqarpoq.

Pisiffimmi akiliutip attaveqaataata kortit akueriumanagu itigartittaqattaarlugu utaqqisorpassuarnik aallartitsisuusinnaavutit.

Oktobarip 17-iata tungaanut taama pisoqartarsinnaanera naatsorsuutigissavarput. Piffissaq taanna satellitinut attaveqaat seqinermit akornuserneqartassaaq. Ilaanni sivuumik sivikitsumilluunniit Qaanaaq, Pituffik, Savissivik, Upernavik, Upernavik Kujalleq, Nuussuaq v. Upernavik, Aasiaat, Kangerlussuaq, Nuuk, Qaqortoq, Narsaq Kujalleq, Illoqqortoormuit aamma Tasiilaq kiisalu Danmarkimut nunanullu allanut attaveqaataaruttassaaq.

Ajornartorsiut seqerngup qinngornerisa piliaraat. Tele atuisunut quppersagaanni Onlinemi allassimavoq seqerngup akornusiisartoq seqineq, satellitti, satellittillu nunarsuarmi attaveqaataa imminnut nalleqatigiillutik inissisimagaangata. Taamaattoqartillugu attaveqaat nunamiittoq seqinermit nipinik tigooraasarpoq, seqineq satellittimit sakkortunerujussuarnik nassiussuisuummat, seqerngup nipiliornerata satellittip nassitsineri qoqertarpai. Uagutsinnut internettip attaveerunneranik imaluunniit pisiniarfinni akiliutit atorsinnaajunnaarallarnerinik kinguneqartarpoq .

Seqerngup qinngornerisa akornutaalersarnerat naatsorsoruminarpoq - upernaakkut ukiakkullu taama pisoqartuaannarmat.

Powered by Labrador CMS