Skip to main content

Tatiginnikkunnaarlutik taasisitsiniaraluartut

Illuatungiliuttut ualeq manna naalakkersuisooqatigiinnik uppisitseriaraluarput FN'ip innarluutillit pisinnaatitaaffiisa atuutsinneqarnerat pillugu

Siumut aamma Atassut ualimut Ilaqutariinnermut, kultureqarnermut, oqaluffinnut aamma naligiissitaanermut naalakkersuisumik Mimi Karlsenimik tatiginnikkunnaarlutik taasisitseriaraluarput. Danmarkimi Naalakkersuisut Nunarput sinnerlugu Naalagaaffiit Peqatigiit innarluutillit pillugit isumaqatigiissutaat Nunatsinnut atuuttussanngortissimammassuk, naak Nunarput tamatumunnga akuerseqataanngikkaluartoq. Tamanna Mimi Karlsenip Inatsisartunut ilisimatitsissutiginngitsoorsimavaa.

Tamatuma saniatigut illuatungiliuttut naalakkersuisooqatigiinnik avissaartitsisinnaaneq periarfissaasoraat, pissutigalugu Nielse Thomsen, Demokraatit paragraf 37 atorlugu Naalakkersuisunik uparuaammat, Kalaallit Nunaanni Naalagaaffiit Peqatigiit innarluutillit pillugit isumaqatigiissutaata nunatsinni atuutsinneqannginneranik Inatsisartut ilisimatinneqarsimannginnerat pissutigalugu, naak naalakkersuisut qaammatit arlallit tamanna ilisimagaluaraat. Siumut aamma Atassut kissaateqaraluarput, Demokraatit tatiginnikkunnaarnermik taaseqataassasut. 

Naalakkersuisut tatiginarunnaarsinniarlugit taasisitseriaagaluarneq iluatsinngilaq.

Illuatungiliuttut tatiginnikkuunnaarnermik taasisitsiniaanerat pissutigalugu Inatsisartut ataatsimiinnerat unitsinneqarpoq.

Inatsisartut ataatsimiinnerat nangeqqimmat naalakkersuisut taasisitsinissaq pinaveersippaat naalakkersuisooqatigiit partiivi aammalu Kattusseqatiigiit Partiiat peqatagalugit. 

Naak, Niels Thomsen naalakkersuisut Naalagaaffiit Peqatigiit innarluutillit pillugit isumaqatigiissutaannik ilisimatinneqarsimannginnertik uparuaralluarlugu, taamaattoq Demokraatit naalakkersuisooqatigiilluni suleqatigiinnermik akornusiiniaratik tatiginnikkunnaarnermik taasisitsineq pinngitsoortippaat.  

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER