Skip to main content

Martha Abelsen borgmesterip tulliata aappaatut

Ippassaq Kommuneqarfik Sermersuumi kommunalbestyrelsemi inissatigut paarlaattoqarpoq, Doris Jakobsenip kommunalbestyrelsenimit tunuarneratakingorna  

Kommuneqarfik Sermersuumi kommunalbestyrelsi ippassaq oktobarip 4-ani ataatsimiinnerminni arlalitsigut aalajangiipput, ilaatigut ilaasortat marluk tunuarllutillu sulinngiffeqarnerisigut, kiisalu borgmesterip tulliata aappaa toqqarneqarluni, Kommuneqarfik Sermersooq tusagassiuutitigut nalunaarummi ilaatigut allappoq.

Doris Jakobsenip kommunalbestyrelsimit tunuarniarluni qinnuteqaataa akuerineqarpoq. Emilie Olsenilli kommunalbestyrelsimit sulinngikkallarniarluni qinnuteqaataa akuerineqanngilaq. Tassani peqqutaavoq Emilie Olsen kommunimut allamut Qeqqata Kommuanut nuunnini pissutigalugu Kommuneqarfik Sermersuup kommunalbestyrelsiani ilaasortaajunnaartoq.

Doris Jakobsenip tunuarneratigut Martha Abelsen borgmesterip tulliata aappaatut toqqarneqarnissaanik Siumup siunnersuutaa akuerineqarpoq. Doris Jakobsenip Emilie Olsenillu ataatsimiititani inuttaaffigisimasaat ukunannga inuttaqalerput: Thomas Kristensen (A) Aningaasaqarnermut Ataatsimiititamut ilaasortanngorpoq Emilie Olsen (S) taarserlugu, sinniisussanngorlunilu Per Berthelsen (D).

Vittus Mikaelsen (S) Doris Jakobsen-ip ilaasortaaffigisimasaani Sanarfinermut Avatangiisinullu Ataatsimiititami ilaasortanngorpoq, sinniisussaralugu Ane Egede Mathæussen (S).  Vittus Mikaelsen Inuussutissarsiutinut Ataatsimiititami Martha Abelsen-imut sinniisussatut aamma qinigaavoq, Emilie Olsen taarserlugu

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER