Skip to main content

Innarluutillit atugarissaarnerussapput

Jane Petersenip siunnersuutigaa innarluutillit pillugit FN-p isumaqatigiissutata nunatsinnit atsiorneqarnissaa  

FN-ip innarluutillit pillugit isumaqatigiissutaa 2008-mi atulerpoq, ukiullu ataatsip qaangiunneratigut Danmarkimit atsiorneqarluni, maannakkullu Inuit Ataqatigiinniit Jane Petersenip piffissanngorsoraa isumaqatigiissutip aamma nunatsinnit atsiorneqarnissaa.  

Isumaqatigiissutip siunertaraa innarluutilli innuttaasut tamarmik pisinnaatitaaffii tunngaviusumillu kiffaanngissuseqarnissamik pisinnaatigaaffii aamma innarluutilinnuit qulakkeerneqarnissaa, ilaatigullu aalajangersakkanik imaqarluni innarluutillit illuutinik, assartuutinik inuiaqatigiinnilu attaveqatigiinnik paasissutissiinermillu tamaanut atuuttumut innarluutillit atuisinnaanissaat. 

Inuit annertuumik innarluutillit ikorserneqarnissaat pillugu Inatsisartut peqqussutaani ima allassimavoq, »Inuit Kalaallit Nunaanni najugaqavissut tarnikkut timikkulluunniit innarluiuteqartut inuttut allatulli inuunissaminnut periarfissaqarnissaat qulakkeerneqartariaqartoq«.

Taamaalilluni nunatsinni inatsisit innarluutili pillugit isumaqatigiissummut assinguvoq, Jane Petersenilli nassuerutigaa nunatsinni annertuunik suliassaqartugut FN-ip piumasaqaatai tamaasa naammassiniassagutsigik:  

– Nalunngilara isumaqatigiissumi aalajangersakkat nunatsinni naammassissallugit ajornakusoorsinnaasoq, kisianni pingaartutut isigaara Kalaallit Nunaat innuttaasut pisinnaatitaaffii pillugit FN-p isumaqatigiissutaanni taama pingaaruteqartigisumut akuusariaqartoq. 

Jane Petersen siunnersuutini pillugu tallimanngormat Sermitsiamut tunngavilersuivoq: 

– Annertunerusumik iliuuseqarnissamut piffissanngorpoq innarluutillillu atugarisaat naalakkersuinikkut isiginiarneqartariaqarlutik, ilaatigut innarluutilippassuit suli nunatsinni qaffasinnerusumik ilinniagaqarnissaminnut periarfissaqarnatik. 

Jane Petersenip aamma apeqqutigaa pisortat suliffeqarfiini innarluutillit inissaqartinneqarnersut: - Nunatsinni suliffeqarnikkut siunissami inuit sulisinnaasut tamaasa pisariaqarfinneqartussaapput.  

Jane Petersenip Inatsisartuni pingasunngorpat ualikkut siunenrsuutigissavaa naalakkersuisut nalunaarusiussasut, FN-ip innarluutillit pillugit isumaqatigiissutaa nunatsinni aamma tulissappat suut suliniutigineqartariaqarnersut. Nalunaarusiaq FN-i innarluutilli pillugit isumaqatigiissutaata atisornissaanut siunertaqartumik imaqartussaq Jane Petersenip kissaatigaa 2012 naatinnagu Inatsisartunut saqqummiunneqassasoq.  

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER