Inuusuttut ilinniagaqarnissaat annertusaavigineqarpoq

Inuusuttut 16-iniit 18-inik ukiullit suliniuteqarfigineqarnerat Kommuneqarfik Sermersuumi kommunalbestyrelsip annertusaavigai

Timi Asimi suliniutaavoq namminersorlutik oqartussat suleqatigalugit inuusuttut Piareersarfimmi inorsartut suliniuteqarfiginissaannik imaqartoq. Assi: Leiff Josefsen

Kommuneqarfik Sermersuumi kommunalbestyrelsip, 4. oktober ataatsimiinnermini, Piareersarfiit ataanni suliniummut Timi Asimimut, inuusuttunut 16-iniit 18-it tikillugit ukiulinnut sammitinneqartumut, aningaasaliissuteqarnissamik qinnuteqaat akuersissutigaa.

Suliniut Timi Asimi suliniutaavoq Namminersorlutik Oqartussat peqatigalugit ingerlanneqartoq, inuusuttunut nalinginnaasumik Piareersarfiit ataanni atuartitsinermi ineriartornissaminnik ajornakusoortitsisunut sammitinneqartoq. Naatsorsuutigineqarpoq inuusuttut suliniummut peqataareernermikkut ilinniakkamik aallartitsisinnaalissasut imaluunniit Piareersarfiup neqeroorutaanik aallartitsisinnaalissasut.

Kommuneqarfik Sermersuumi kommunalbestyrelsip aamma akuersissutigaa 2011 / 2012-mi Piareersarfiit ataanni atuaqatigiinnik nutaanik meeqqat atuarfianni inaarutaasumik misilitsissutissatut aallartitsinissamut aningaasaliissuteqarnissaq.

Akileraartarneq atuagarissaarnerlu pillugu isumalioqatigiissitaq naapertorlugu inuusuttuaqqat amerlasuut meeqqat atuarfiannit anisarput ilinniaqqinnissaminnut piareersimanatik, inuusuttullu 50 procentiisa missaat taamaallaat meeqqat atuarfianni atuarsimanertik kisiat tunuliaqutarisarlugu. Suliniutitigut annertusaanermi Kommuneqarfik Sermersuup kissaatigaa inuusuttut ilinnialeqqinnissaminnut kajumissuseqalernissaannut aqqutissiueqataanissani, Kommuneqarfik Sermersooq allappoq.


Powered by Labrador CMS