Assammik assartartut nunanut allanut unammisartut arlallit peqataasinnaanngillat
Nunanut allanut unammisartut ulluinnarni Danmarkimi arsartartut marlunngormat Ringstedimi sungiusartinneqarput
Kalaallit angutit assammik arsarlutik nunaut allanut unammisartut Ringstedimi 1. divisionimi unammisartunut TMS Ringstedimut sungiusarlutik unammissapput. Tamanna pissaaq Ringsted Hallenimi nal. 20.00.
Sungiusaasumut Niels Møllerimut unammisartut pingaaruteqartut arlallit peqataasinnaanatik nalunaarsimapput. Angutimmarik Kreutzmann Sverigemi klubbinimi OV Helsingborgimi unammisussaavoq. Akutaaneq Kreutzmann Vejle Håndboldimeersoq ajoqusersimavoq aammalu Aqqaluk Sørensen peqataasinnaanani nalunaarsimavoq ilinniarnini nakkutiginiarlugu.
Siusinnerusukkut VM-eqarnerani nunanu tallanut unammisartuni anføreri Hans Peter Motzfeldt RIngstedimi peqataasussaasimagaluarpoq. Sungiusaasuorli Niels Møller nalunaarfigisimavaa suliassaqarpallaarnini peqqutigalugu peqataasinnaanani. Ulluinnarni Hans Peter Motzfeldt Greve Håndboldimi 3. divisionimi sungiusdartarpoq.
Hans Peter Motzfeldtip peqataasinnaannginneratigut nunarput sinnerlugu amerlanerpaanik unammisarsimasoq 39-nik ukiulik Rasmus Larsen 'pisoqqani' kisiartaalluni Ringstedimi peqataavoq. Rasmus Larsen maannakkut HC Fynimi 2. divisionimi sungiusartarpoq sapaatillu akunnerata naanerani kingullermi arfineq pingasunik isertitsilluni unammiuaarnerit ingerlanneqarneranni.
-Ukiut apeqqutaaneq ajorput. Aasaru Brasiliami Amerikap nunavittaani unammiuaarnerni nikittunerpaat aallartinnissaanut pimoorussilluta sulivugut, tamannalu qaammatini tulliuttuni suliarissavarput, sungiusaasoq Niels Møller oqarpoq.