Skip to main content

Naalakkersuisut Inatsisartut ilisimatinngitsoorpaat

FN-ip innarluutillit pillugit isumaqatigiissutaa Danmarkip atsiorsimavaa Kalaallit Nunaat isumasioqqaarnagu. Niels Thomsenip naammaginartinngilaa kukkuneq takuneqarmat Inatsisartut ilisimatinneqarsinannginnerat  

Demokraatiniit Niels Thomsenip ilaqutqariinnermut, kultureqarnermut naligiissitaanermullu naalakkersuisoq Mimi Karlsen isortartorsiorpaa, Inatsisartut ilisimatissimanngimmagit, namminersorneq pillugu inatsit unioqqutillugu Danmarkip Kalaallit Nunaat isumasioqqaarnagu FN-imi innarluutillit pillugit isumaqatigiissut atsiorsimammagu. Tamanna maajimi 2011-mili Mimi Karlsenip ilisimasimavaa, aatsaalli septembarip naalernerani Inatsisartut ilisimatillugit, tikkuarpaa.  

BIsornartorsiuineranut peqqutaavoq innarluutillit pillugit isumaqatigiissut aggustimi 2009-mili nunatsinnik pituttuisuummat, Inatsisartullu tamanna nunatsinniit kissaartigineqarnersoq isummersornissaminnut periarfissaqaratik, Danmarkip Kalaallit Nunaat isumasioqqaarnagu isumaqatigiissut atsiorsimammagu. Tamanna namminersorneq pillugu isumaqatigiissummut naapertuutinngilaq. 

- Innarluutillit pillugit FN-ip isumaqatigiissutaa ataqqivara, taamaattorli qallunaat naalakkersuisui annertuumik kukkusimapput Kalaallit Nunaat isumasioqqaarnagu atsiorsimagamik, Niels Thomsen allappoq.

-Aamma taamatut ajuusaarnartigigajappoq, Inatsisartut aatsaat massakkut paasitinneqarsimammata, isumaqatigiissut atortussanngortinneqarsimasoq Kalaallit Nunaannut atuutilerluni. Ilaqutariinnermut, Kultureqarnermut, Ilageeqarnermut Naligiisitaanermullu Naalakkersusiq Mimi Karlsenip tamanna maj 2011-mili ilisimasimavaagooq aatsaalli septemberip naalernerani Inatsisartut ilisimatissimallugit, Niels Thomsen oqarpoq.

- Isumaqartoqarsinnaagunaraluarpoq, pisoq taamak ilungersunartigisoq pissutissaqalersitsisimasariaqaraluartoq Inatsisartunut paasititsinissamut minnerpaamilluunniit ataatsimiititaliamut susassaqartumut, isumaqarpoq.

 

Inatsisartunut paasititsinissamik pisussaaneq aamma peqquteqarpoq, Inatsisartut Innarluutillit pillugit isumaqatigiissutip Kalaallit Nunaannut atuuttuussusaanera pillugu siusinnerusukkut eqqunngitsunik paasitinneqarnikuusimangamik.

3. februar 2010 taamani Isumaginninnermut Naalakkersuisoq Maliina Abelsen § 36 apeqqummut imatut paasititsivoq:

”Tunngaviusumik Naalakkersuisut Naalagaaffiit Peqatigiit innarluutillit pisinnaatitaaffii pillugit isumaqatigiissutip 13. december 2006-imeersup Kalaallit Nunaanni atuutilersinneqarnissaa illersugaraat. Isumaqatigiissutilli atuutsilinnginnerani annertuumik piareersarnissaq pisariaqarpoq. Taamatut sulinissaq Naalakkersuisut neriulluarfigaat. Taamaattorli isumaqatigiissutip qaqugu atuutilernissaa pilersaarutigineqanngilaq.”

- Taamani Naalakkersuisuusup ilisimasinnaasimassanngilaa, paasissutissat Inatsisartunut apuunneqartut kukkusuusut. Kisiannili Naalakkersuisut kingusinnerusukkut ilisimalerunikku, Inatsisartut kukkusunik paasitinneqarsimasut, taava Naalakkersuisut pisussaapput sukkanerpaamik paasissutissiissutit aaqqissallugit.

- Taamaattumik eqqumiiginarpoq, Naalakkersuisut aatsaat massakkut, Naalakkersuisut pisumut ilisimannileqqaarneranniit ukiup affangajaa qaangiuttoq, alloriarsimasut Inatsisartunut ilisimatitsissalutik.

- Imminut aperisoqarsinnaavoq, Inatsisartut ilisimatinneqarsimassagaluarnersut, Inatsisartunut ilaasortaq uani ataatsimiinnermi Innarluutillit pillugit isumaqatigiissuterpiaannut tunngaqqinnaartumik aaliangiiffigisassatut siunnersuuteqarsimanngitsuuppat, Niels Thomsen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER