Skip to main content

Lidegaard suleqatigiinnissamut qilanaarpoq

 Klima- og Energiministerissatut toqqagaasoq Martin Lidegaard, radikalineersoq, Klima- og Energiministeriaqarfik Lykke Friss taarserlugu siulersulissavaa. Ministerit nikinneranni ivertinneqartup suleqatissani nunatsinneersoq neriulluarfigaa

 

Ministeriaqarfik Lykkemiit Lidegaardimut ingerlateqqinneqarpoq, taanna Nuummi pisortaqarfimmik maannamut pitsaasumik suleqateqarpoq. Klima- og Energiministeriet ministerinngorlu, ilaatigut ”Concito - Danmark grønne tænketank” suleqataanini pillugu ilisimaneqartoq, kalaallimik qinigaaqatiminik suleqateqarluarnissaq qilanaaraa. Inuussutissarsiornermut aamma Aatsitassanut naalakkersuisoq, Ove Karl Berthelsen, eqqartorparput. 

- Uuliamik qalluinermi ajutoortoqaratarsinnaanernit ajoqusiisinnaasut ilisimagaanni, taava qularutiginngilluinnarpara Kalaallit Nunaata aamma Danmarkip ataatsimoortumik soqutigisarissagaat, upalungaarsimaqqissaarluni aatsaat aallartitsisoqarnissaa. Kalaallit nunaannit oqaatiginiakkat taama tusaallugillu paasivakka, Martin Lidegaard suleqatigiinnissamut neriuuteqarluartoq oqarpoq. 

- Suleqatitaara kalaaleq paaseqatigalugu oqaloqatigisarnissaa qilanaaraara, Martin Ladegaard oqarpoq. Taassuma angutaa atuakkiortoq højskolimilu ilinniartitsisoq Mads Lidegaard ilaatigut Kalaallit Nunaata Oqaluttuassartaanik atuakkiortuuvoq. 

Martin Lidegaardip isumagaa Issittumi aamma Danmark ikummatissanik atuineq annikinnerusinnaasoq. 

- Issittoq tamarmi, Kalaallit Nunaat aammalumi Danmark imminnut iluaqqusissapput ikummatissanik pinngitsoornatik atuisussaanertik millisikkunikku, Martin Lidegaard oqarpoq.

- Ikummatissap akia siunissami allanngoqattaassaaq akisunerulerlunilu, ikummatissanik pinngitsoorsinnaannginneq annikillisanngikkaanni, sakkortunermik eqquisussaavoq, Klima og energiministeri ullormi suliffimmi siullermi nassuiaavoq.

Lidegaardip neriuutigaa ilisimatusartut qanittumi nutaamik saqqummiussaqassasut - ikummatissanik pinngitsoortitsisinnaajunnaartunik.

-  Tamatta eqqaamasariaqarparput nutaamik saqqummersitsisoqaraluarpat, soorlu tamanna tamatta ullumikkut utaqqiinnaripput - taava siunissami uulia atorfissaarutissaaq, Martin Lidegaard sermitsiaq.ag'mut oqarpoq ministeriaqarfimmik tigusinermi kingunitsiaa. 

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER