Skip to main content

2011-mi Kalaallit Nunaanni Avatangiisit Pinngortitarlu pillugit nersornaammut piffissaliussat kinguartinneqarput

Pinngortitap avatangiisillu pillugit 2011-mi nersornaasigassatut siunnersuutit novembarip 15-iat tikitsinnagu nassiussinnaavat  

 

Kina Kalaallit Nunaanni avatangiisit pinngortitarlu pillugit suliniuteqartuua? 

Kalaallit Nunaanni pinngortitaq avatangiisillu pillugit kina paasititsiniaasuua?

Kiap Kalaallit Nunaata eqqiluitsuunissaa suliniaqataaffigaa?

2011-mi Avatangiisit Pinngortitarlu pillugit nersorniarneqartussatut siunnersuuteqaritsi. Namminersorlutik Oqartussat tusagassiuutinut nalunaarummini, soqutiginnittut ukioq manna Avatangiisit Pinngortitarlu pillugit nersornaasigassamik siunnersuuteqarnissaq kaammattuutigalugu allappoq. Siunnersuuteqarsinnaaneq oktobarip 15-iannit novembarip 15-iannut kinguartinneqarmat suli periarfissaqarpoq. 

Naalakkersuisut 2004-mi aalajangerpaat Kalaallit Nunaanni Avatangiisit Pinngortitarlu pillugit nersornaat ukiut tamaasa tunniuneqartalissasoq. Nersornaat siullerpaamik 2007-imi tunniunneqaqqaarpoq, taamanikkorniillu ukiut tamaasa nersornaasiisoqartarluni. 

Ukioq manna tallimassaannik Kalaallit Nunaanni avatangiisinut pinngortitamullu tunngasumik nersornaasiisoqassaaq, kikkuluunniillu tamarmik ataani piumasaqaatit naapertorllugit siunnersuuteqarsinnaapput:  

Inuit ataasiakkaat, ingerlatsivbiit kattuffiilluunniit, Pinngortitaq Avatangiisillu pillugit ilisimasanik tunniusimallutik maligassiuillutillu suliniuteqartut, imaluunniit Kalaallit Nunaannit avatangiisit pitsanngorsarniarlugit suliniuteqarsimasut nersornaasigassatut siunnersuutigineqarsinnaapput. 

Tassa inuit ataasiakkaat, ingerlatsiviit imaluunniit kattuffiit Kalaallit Nunaanni avatangiisit pingortitarlu pillugit suliniuteqarnermikkut allanngusiut imaluunniit innuttaasunik ilisimasaqarnerulersitsisut Namminersorlutik Oqartussanit nersornaaserneqarsinnaapput. 

Nunami namminermi pissutsit pillugit Naalakkersuisoqarfimmi Pinngortitaq Avatangiisillu pillugit immikkoortortaqarfiup, kikkut tamaasa nersorniaqqusartik pillugu, novembarip 15-iat 2011 tikitsinnagu siunnersuutiminnik nassiusseqquai.  

Nersornaasigassatut siunnersuut tunngavilersuuserlugu, kiisalu siunnersuisoq imaluunniit siunnersusut attaveqarfiginissaannut paasissutissat ilanngullugit nassiunneqassaaq.  

Attaveqarfissaq:

Nunamut namminermut kiisalu Pinngortitaq Avatangiisillu pillugit Naalakkersuisoqarfik
Att. Naja Holm
Postboks 1614
3900 Nuuk

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER