Skip to main content

Minik isaatitseqattaartuarpoq

Unamminerit aappassaa ingerlatiinnarlugu Minik Dahl Høegh qulingiluanik isertitsivoq, HC Fyn-illu pointinnaqqinneranut pisooqataalluinnarluni 

Unamminerit aappassaa ingerlatiinnarlugu Minik Dahl Høegh qulingiluanik isertitsivoq HC Fyn-illu pointinnaqqinneranut pisooqataalluinnarluni.

Manna tikillugu ajugaaffigineqarsimanngitsumut Odder HB-mut naligiiginnarput 30-30-imik, Odderimi unammineq dommerip unitsimmagu.

HC Fyn aallartilluarpoq. 6 - 1-imik, 8 - 3-mik aamma 10 - 4-mik siuaqqavoq, Odder HB tamaviaalerluni angusaanerata tungaanut nkinnermilu 15 - 14-imik siuarluni.

- Illua'tigut angusaq nuannaarutigaara aappaatigullu uggornartilaarlugu taama aallartilluartigaluta naligiiginnaratta. Odderip sæsoni manna pointimik annaasaqaqqaarneranut pisuuvugut, sungiusaasuuneq Jakob Larsen unamminerup kingorna oqarpoq.

Jakob Larsenip ilanngullugu nuannaarutigaa nunanut allanut unammisartutoqaq Lars Krogh Jeppesenj kakkassigaluttuinnarmat.

Jakob Larsen nammineq illersuisutut unammeqataangaatsiarpoq ataasiarlunilu isertitsilluni. HC Fyn akeqqaminnik anisitaaqqasoqartoq 4 - 0-imik ajorsaarpoq. Taamaattumik tulliani sapaatiuppat Odense Idrætshalimi Vejle Håndboldimut unammminissami holdi sungiusagassaqarpoq.

HC Fynip illersuisuisa sukalasuut Aqqaluk Sørensen ima paarilluartigaat isertitsinngitsoortillugu.

1. divisonimi unamminerup aappaani kalaallip Akutaaneq Kreutzmannip klubbia Vejle Håndsbold kiisami pointinnappoq Vejlemi HC Midtjylland 25 - 22-imik ajugaaffigalugu.

Akutaaneq Kreutzmann isikkami illuani ajoqusersimanini pissutigalugu unammeqataanngilaq. - Nalornissutigilaarpara nunanut allanut unammisartut marlunngorpat unnukkut Ringstedmi sungiusaatigalugu unamminissaani peqataassanerlunga, naatsorsuutigilluinnarparali sapaatiuppat tulliani HC Fyn-imut unamminissami peqataassallunga. Minimmut Jakobimullu unamminissaq pissanganassaqaaq, Akutaaneq Kreutzmann oqarpoq.


 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER