Kalaallit Danmarkimiittut akornanni TB

Esbjergimi inissiarsuit ilaanni TB-toqarneranik kalerriisoqarpoq: Ataaseq toqusimavoq arfineq pingasullu tunillatsissimalluik, JV.dk allappoq

Esbjergimi kalaallit ilaat tb-mik nappaateqarnerarneqarput.

Jyllandip kujataani nakorsat Esbjergimi Gl. Vardevejimi kommunip inissiarsuaataasa ilaanni najugaqartut ilaasa kalaaliunerusut tb-nerannik kalerriipput.

Nakorsaanerit kiisalu Sydvestjysk Sygehusemi Lungemedicinsk Ambulatoriumimersut JV-dk naapertorlug kalerrisaaripput.

Jydske Vestkystenip nutaarsiassaqartitsiviata nalunaarutigaa ataaseq toqusimasoq, arfineq pingasut tb-lerlutik kiiisalu minnerpaamik 21-t tb-p bakteeriaanik tunillatsissimallutik.

Taamaattumik Lungemedicinsk Ambulatorium kommunimut kajumissaarivoq inissiarsuarni uffarnissamut periarfissat maajunnaqisut sukumiisumik eqqiarneqarnissaannik, tuniluunneq unitsinniarlugu.

JV.dk naapertorlugu Projekt Morgenrødemi kommunimi sulisut arlerniarlutik ajornartorsiut tamanna pillugu kommunimut ilisimatitsisimapput.

Powered by Labrador CMS