Skip to main content

Danmark siullermeertumik arnamik ministeriuneqalerpoq

Helle Thorningip naalakkersuisut ullumi Dronning Margrethemut ilisaritippai

Helle Thorning-Schmidt ullumikkut Danmarkimi siullersaalluni arnani ministeriuninngorpoq, naalakkersuisunilu ullumi Dronning Margrethemut ilisaritillugit.

Naalakkersuisuni arnanik allanik arfineq pingasunik peqateqalerpoq S-R-SF-illu naalakkersuisuini katillugit 23-nik ministereqarpoq. Sapaatiummat tusagassiuutinit tusatsiarneqartut naapertorlugit allattukkat pisortatigoortumik allassimasup assigaa. 

Naalakkersuisunngortussat pisoqqamiit tallimanik amerlanerupput, inissallu aqqanillit Socialdemokratinut, arfinillu De Radikalemut arfinillillu SF-imut. 

Helle Thorning-Schmidtip ministeriuninngortup saniatigut Socialdemokratini makku ministerinngorput:  
- Aningaasaqarnermut ministeri: Bjarne Corydon
- Justitsminister: Morten Bødskov
- Isumaginninnermut akuutitsilernissamullu ministeri: Karen Hækkerup
- Europaministeri: Nicolai Wammen
- Illoqarfinnut, ineqarnermut nunallu immikkoortuinut ministeri: Carsten Hansen
- Meeqqanut ilinniartitaanermullu ministeri: Christine Antorini
- Illersornissamut ministeri: Nick Hækkerup
- Suliffissaqartitsinermut ministeri: Mette Frederiksen
- Assartuinermut minsiteri: Henrik Dam Kristensen
- Inuussutissanut, nunalerinermut aalisarnermullu ministeri: Mette Gjerskov.
De Radikalenit ministerit makkuupput:
- Aningaasaqarnermut nunamullu namminermut ministeri: Margrethe Vestager
- Silap pissusaanut, nukissiornermut sanaartornermullu ministeri: Martin Lidegaard
- Ineriartortitsinermut mininisteri: Christian Friis Bach
- Ilisimatusarnermut, nutaaliornermut ingerlaqqittumillu ilinniartitaanermut ministeri: Morten Østergaard
- Kulturministeri: Uffe Elbæk
- Naligiissitaanermut nunallu avannarliit suleqatigiinnerannut ministeri: Manu Sareen.
SF-mit ministerit makkuupput :
- Nunanut allanut ministeri: Villy Søvndal
- Inuutissarsiornermut ineriartornermullu ministeri: Ole Sohn
- Peqqissutsimut pinaveersaartitsinermullu ministeri: Astrid Krag
- Avatangiisinut ministeri: Ida Auken
- Niuernermut aningaasaliinermullu ministeri: Pia Olsen Dyhr
- Akileraartarnermut ministeri: Thor Möger Pedersen.
Ministeriunermut tullersortaasarneq atorunnaarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER