Skip to main content

Issittumi atuakkiat pillugit atuakkiaq

Nunarsuup avannaani atuakkiat pillugit eqitikkat 

Ilisimatuut Kalaallit Nunaanneersut Skandinaviameersullu, kiisalu Tuluit Nunaanneersut, Canadameersut Alaskameersullu suleqatigiinnerisigut nutaamik paasineqarput avannaani issittumi oqalualaarnermik ileqqutoqqat naqitanillu atuakkiornerit aammalu atuakkiornerup ineriartorneranni pissutsit. Suliniutip nanginneratut maanna atuakkamik eqiterisumik saqqummersitsisoqarpoq, eqitikkat pillugit tusagassiorfinnut nalunaarummi allassimavoq.

Karen Langgård aamma Kirsten Thisted (aaqqiss.):
From Oral Tradition to Rap. Literatures of the Polar North. Naqiterisitsisarfik Atuagkat / Ilisimatusarfik, 2011, quppernerit 287 (Danmarkimi: 248 kr. Kalaallit Nunaanni (momsi ilanngunnagu) 198 kr.).

Eqitigaq atuakkiat pillugit kapitaleqarpoq allanneqarsimasunik saminik, savalimmiormiunik, kalaallinik, canadami inunnit, Alaskami nunap inuiinit Siberiamilu koryaks-init, taamaasilluni nunarsuup avannaani atuakkianik ataatsimut takutitsiniarnerulluni siulleq.

Eqitigaq ilisimatusarnermik nutaamik imaqarpoq, tamannalu peqatigalugu sumiiffinni taaneqartuni oqaasiliornikkut ineriartorneq nalilersorneqarsimalluni.

Nunap assinga, atuakkiortarfiusunik takutitsisoq, tunngaveqarpoq inuiaat namminneq qanga inuunerminnik siunissamillu allaaserisaannik, nunat killeqarfii nunasiaatilitoqqanullu attuumassuteqarnerit akimorlugit.

Suliniut Karen Langgårdip pingaarnerusutut akisussaaffia aallartissimavoq Nunani Tamalaani Issittup Ukiuani suliniutitut. Taanna tapiiffigineqarsimavoq Nordisk Ministerråds Arktiske Samarbejdsprogram 2006-2008-mit aamma Ilisimatusarfiup Saqqunnersitsinermut Aningaasaateqarfianit. Atuagaq mail-ikkut uani pisiarineqarsinnaavoq info@forlaget-atuagkat.gl

Eqitikkami kapitalit:

Karen Langgård and Kirsten Thisted: Introduction
Harald Gaski: Song, Poetry, and Images in Writing. Sami Literature
Malan Marnersdóttir: From Oral Poetry to Rap in the Faroes
Kirsten Thisted: Greenlandic Oral Traditions. Collection, Reframing and Reinvention
Karen Langgård: Greenlandic Literature from Colonial Times to Self-Government
Michael  P.  J.  Kennedy: Canadian Inuit Literature in English. A Critical Bibliography
Noel McDermott: Canadian Literature in Inuktitut
William Schneider: Alaska Native Writers. Writing and Tradition
Alexander D. King: A Literary History of Koryak. Writing and Publishing an Indigenous Siberian Language
Notes on the Contributors

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER