Skip to main content

Napparsimasut toqulersut katsorsarneqarpallaartarput

Nunani tamalaani kræftimik ilisimatuut kræftimik napparsimasut katsorsarneqarsinnaanngitsut annertuumik katsorsarneqartarnerat mianersoqqussutigaat 

Kræftimik napparsimasut toqujatortut neriulussinnartittarpavut annertuvallaanillu nakorsaatilersortarlugit annassutigisinnaanngisaannik.

Nunanit tamalaanit kræftimik ilisimatuut 37-it nalunaarusiaanni taamatut inerniliisoqarpoq, taakkualu suliartik Lancet Oncology Commisison-imi tamanut saqqummiuppaat, taamatut allappoq 24timer.

Nakorsaaneq Jens Peter Kampmanip, Dansk Selskab for Klinisk Farmakolog-imi siulittaasup, nalunaarusiami inerniliinerit uissuumminartut isumaqatigai:
- Ajornartorsiut tamanna sivisoorujussuarmik atuussimavoq. Tamanna oqallisigilertariaqarparput, taanna 24timer-imutoqarpoq.
- Tassami eqqunngitsuliorpugut aningaasat katsorsaanermut atugasat amerlanerpaartaat kræftimik napparsimasup ulluini kingullerni nakorsaatinut atortarutsigit, immaqa inuunerannik agguaqatigiissillugu sapaatit akunnerinik marluinnarnik sivitsuisumik, Jens Peter Kampman oqarpoq.

Nakorsaatinik atugassiamit ataqqineqarluartumit The Lancet-imit nunat tamalaaneersut nalunaarusiaat malillugu Kitaamiut peqqinnissaqarfiisa, politikerit nakorsallu kræftimik napparsimasorujussuarnik katsorsaanermik isiginninneq tamaat allanngortittariaqarpaat:
- Napparsimasut katsorsarneqarnermikkut saniatigut sunniuteqarfigineqaannartarput, inuiaqatigiillu kræftimik katsorsaanermut aningaasartuutaat amerlasoorujussuanngorsimapput, siunissamilu nakorsaaterpassuit akisuut qanoq aningaasalerneqassanersut peqqinnissaqarfiit aaqqiissutissaqartinngilaat.

Dansk Sundhedsinstitut-imili pisortaq Jes Søgaard isumaqarpoq qaqugukkut katsorsaaneq pisariaqarunnaassanersoq oqaatigiuminaatsoq:
- Taamatulli oqareerluni kræftimik katsorsaanerup naggataani aningaasat amerlavallaarujussuartut atorneqartarput, taanna 24timer-imut oqarpoq.

Hvidovre Hospitalimi napparsimmavimmi pisortap Torben Mogensenip isumaqatigaa inuiaqatigiit tulleriiaarinerit ammasumik oqaluuserilissagaat:
- Imaasiallaannarli aaqqiissutissaqanngilaq. Ajornartorsiummi ilaatigut tassaavoq tamatigut ilisimaneqarneq ajormat piffissaq kingulleq nakorsaatinik katsorsaaviusariaqarfiunngitsoq qaqugukkut takkuttarnersoq, taanna 24timer-imut oqarpoq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER