Skip to main content

Ikuallatsitseqattaartoq ujaarineqarpoq

Containerinik arlalinnik ikuallatsitseqattaartoq ujaaralugu Nuummi politiit innuttaasunik ikiortissarsiorput 

Septembarip 23-anniit Nuummi containerit arfineq marluk ikuallatsinneqaqattaarput. Kingullermik ippassaq unnukkut containerit sisamat ikuallatsinneqarsimasut qatserisartunit qaminneqarput. Maannakkut Nuummi politiit innuttaasunik ikiortissarsiorput. 

 

Nuummi politiit tusagassiuutinut nalunaarumminni allapput, sapaatip akunnerata ataatsip ingerlanerani containerit arfineq marluk ikuallassimammata piaaraluni ikuallatsinneqarsimanissaat ilimagineqartoq. 
- Taamaammat Nuummi innuttaasut containerit ikuallatsinneqaqattaarnerat pillugu arlaannik ilisimasaqarunik politiinut saaffiginneqqullugit qinnuigaakka.  

Ukunani ikuallatsitsinerit pillugit politiit ikiortissarsiorput:

Tallimanngorneq septembarip 23-anni 2011 nal. 2041, Blok 2-mi pujorsunninnera pissutigalugu politiit kalerrinneqarmata, politiit qatserisartullu misissuigaluaramik ikuallattorsinngillat. Taanna suli misissorneqarpoq. 

Tallimanngorneq septembarip 23-anni 2011 nal. 2352, Kongevejimi Blok P-p eqqaani conataineri ikuallattoq kalerrisaarisoqarmat, politiit ornigukkamik ikuallattoqarsimasinnaaneranik malussanngillat. Taanna aamma suli misissorneqarpoq.  

Taakkua pillugit ilisimasallit Nuummi politiinut saaffiginneqqullugit qinnuigineqarput:

Nuummi politeeqarfik,
P.H. Lundstensvej 1, 3900 Nuuk,

oqarasuaatip normua una atorlugu 321448, imaluunniit uunga mailerluni: nuuk@politi.gl

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER