Skip to main content

Assartuinermi pissutsit pillugit qaqilerisussat isummanik allanngortitsiniaallutik sunniiniarput

Assartuinermi pissutsit pillugit qaqilerisussat kisitsisinik allanngortiteralutik paasissutissanillu pingaaruteqartunik isertuussillutik isummanik allanngortitsiniarlutik sunniiniarnerarlugit, Qeqqata Kommuniata kommuniata Assartuinermi pissutsinik qaqiliisussanut allakkatik ammasut assilineri Naalakkersuisunut, Inatsisartunut kiisalu kommuninut nassiussorpai 

Assartuinermi pissutsit pillugit qaqilerisussat nalunaarusiaaq Inatsisartut maanna katersuunnerminni suliarisussaavaat. 

Tassunga atatillugu borgmester Hermann Berthelsen, Qeqqata Kommunia sinnerlugu Christen Sørensen-imut qaqilerisussat siulittaasorisimasaat kiisalu assartuinermi pissutsit pillugit naalakkersuisumut, Jens B. Frederiksen-imut ammasuni allagaqarpoq, assilineri Inatsisartunut aamma kommuninut nassiussorlugit.

Allakkani pingaarnertut sammineqarput, Kangerlussuup matuneqarnissaanut aningaasatigut tunngavilersuutigineqartut. Qeqqata Kommunia isumaqarpoq, Assartuinermi pissutsit pillugit qaqilerisussat Kangerlussuup ingerlanneqarneranut aningaasartuutit amerlanaarsimagaat, sipaarutaasinnaasut annertusarniarlugit, Nuummilu atlantikoq qulaallugu timmisartunut mittarfiliornissamut, Kangerlussuaq matuppat paarlatsigitinneqarniartumut, aningaasartuutissat ikinaarsimagaat. 

Hermann Berthelsen isumaqarpoq, tamanna isummanik allanngortitsiniarluni sunniiniarnerusoq.

Borgmesteri allakkamini ilaatigut allappoq: "Qeqqata Kommuniata maluginiaqquaa, Kangerlussuarmi isertinneqartartut "sipaarutaasimasut" ilanngutinnginnerisigut Assartuinermi pissutsit pillugit qaqilerisussat malunnaatilimmik kukkusimasut. Qeqqata Kommunianiit isigalugu, tamanna isummanik allanngortitsiniaalluni sunniiniarnertut isikkoqarpoq, Mittarfeqarfiimmi allalluunniit Kangerlussuarmi pissutsinik ilisimannittut aperinerisigut Assartuinermi pissutsit pillugit qaqilerisussat eqqunngitsunik tunngavilersuuteqarnertik paasisimasinnaassangaluarmassuk. Soorunami nukissiamik, imermik kiisalu kiassarnermik tunisassiornerup unitsinnerisigut isertinneqartartut unitsinneqassapput "sipaarutigineqarlutillu".  

Qeqqata Kommunia isumaqarpoq, Kangerlussuup pinngitsaaliissummik matunerani aningaasartuutissat immikkuualuttut miliaartip affaanik nalillit mininneqarsimasut.  

Tamakkua saniatigut Qeqqata Kommunia isumaqarpoq, takornariaqarnermi kiisalu ilisimatuussutsikkut misissuinernut atatillugu suliffissaqartitsinikkut sunniutaat Assartuinermi pissutsit pillugit qaqilerisussat naatsorsuinermini ilanngussimanngikkaat. Atorfiit taakkua arlaannulluunniit nuuginnarneqarsinaanngillat, borgmesteri oqarpoq.

Taakkua saniatigut aamma kommunip pissutsit allat eqqarsaatigeqqitassatut tikkuartorpa. Taamaammat kommunip Jens B. Frederiksen aamma Christen Sørensen attaveqaqatigiinnermut periarfissanut iluarsaataasinnaasut ataatsimut isigialugit paasissutissartai ilanngullugit naatsorsueqqeqqullugit qinnuigai. 

Hermann Berthelsen-ip naggasiilluni maluginiaqquaa, Assartuinermi pissutsit pillugit qaqileriniartut Danmarkimeersunik Nuummeersunnillu taamaallaat ilaasortaqartinnagu aamma sineriammi allaninngaanneersunik ilaasortaqartuuppat siunertamik naapertuilluarnerusinnaanerat. Taamaaliornikkut ajornartorsiutit assigiiaartut assigiiaartumik nalilersorneqarsinnaanerunerat. Maannakkut naliliinerit Nuummi pissutsit nunatta sinneranut "naligiissarlugit" naliliinerunerusut, Hermann Berthelsen-ip oqaatigaa.

Assartuinermi pissutsit pillugit qaqileriniartut isummersuutaannik nalunaarusiaq tallimanngorpat septembarip 29-anni suliarineqartussaangaluarpoq, tamannali oktobarip 13-iannut kinguartinneqarpoq. 

Qeqqata Kommuniata Assartuineq pillugu nalunaarusiaat isornartorsiorlugu qaqilerititanut Naalakkersuisunullu allagaat tamanut aammasut, uuma ataani kalaallisut qalunaatullu atuarneqarsinnaaput.  

Hermann Berthelsen-ip Sermitsiami ilanngussaa atuartartutullu Kangerlussuaq pillugu ilanngussaa Sermitsiami atuarneqarsinnaapput. Aviisi uani pisiariuk.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER