Skip to main content

Connie Hedegaardip USA isornartorsiorpaa

Silap pissusaa pillugu ilisimatuussutsikkut paasisat oqallisigineqartarneranni USA upperinninnani pissusilersorneqararlugu Connie Hedegaardip isornartorsiorpaa

 

lisimatuussutsikkit paasisat eqqortut USA-mi oqaluuserineqannginnerat Connie Hedegaardip tupassutigeqqavaa, silap pissussaa pillugu oqallinnermi isumalluannginnerat taakkartorlugu.

Naalagaaffiit Peqatigiit sapaatip akunnerata siuliani ataatsimeersuarnerani silap pissussaata allanngoriartornera USA-p præsidentiata Barack Obamap eqqavaa, taamaakkaluartoq USA-mi inatsisartut amerlanerussuteqartut  silap pissusaa pillugu isummernerannut pituttoqanini pissutigalugu allatut iliuuseqarsinnaanngilaq.

- Amerikami præsidentimut qinigassanngortittut silap pissusaata allanngoriartorneranik assortuitillugit tamanna ajornakusuussaaq, Connie Hedegaard aviisimi Politikenimi apersorneqarluni oqarpoq.

Silap pissusaa pillugu ataatsimeersuarneq Sydafrikami illoqarfimmi Durbanimi qaammatit marluk qaanngiuppata pissaaq, ataatsimeersuarnissami tassani silaannarmik mingutitsisumik CO2-mik annikillisaasoqarnissamik  isumaqatigiissuteqartoqarnissaa Connie Hedegaardip ilimaginngilaa, soorlu aamma Naalagaaffiit Peqatigiit  Københavnimi 2009-mi ataatsimeersuartitsinerani pituttortumik isumaqatigiissuteqartoqanngitsoq

Nunat 27-t EU-mi ilaasortaasut, nunat allat peqatigalugit  CO2-mik annikillisaanissamik neriorsuisimanerat piareersarlugu oqaatigaa.

- Silap pissusaa pillugu isumaqatigiissummik inatsisitigut pituttortumik isumaqatigiissuteqartoqarnissaa siunerataralugu pilersaarusiorpugut, tassani USAp Kinallu peqataanissaat siunertaraarput, Connie Hedegaard Politikenimut oqarpoq.

USA-mi ilisimatuussutsikkut suliniaqartigiiffimmi siulittaasup Ralph Ciceronip sapaatip akunnerani qaangiuttumi nassuerutigaa, USA-mi naalakkersuinikkut suliallit akornanni ileqquulersimavoq ilisimatuut amerlanersaasa isumaqatigiillutik eqqorneragaasa uppernassuseerutitinniarnissaat. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER