Skip to main content

Pisiffimmi pisorta ssat sungiusarneqartut

Pisiffimmi sulisut ineriartornerat aallunneqarpoq pisortanngortussallu nutaat ilinniartinneqaqqammerput 

Pingajussaa Pisiffimmi pisortassat suliffeqarfiup iluani sungiusarneqaqqammerput, Pisiffimmi sulisoqarnermut attaveqarnermullu pisortaq Søren Olsen Damgaard nalunaarpoq. 

Siulliit 2008-mi naammassipput, aappaallu 2010-mi, maannakkullu pisortassat pingajussaa naammassillutik. Taamaalilluni Pisiffimmi sulisut 40-t pisortanngornissaminnut sungiusarsimapput. 

- Peqataasorpassuit ullumikkut Pisiffimmi sumi tamani pisortatut atorfeqarput, oqarpoq. 

- Peqataasut tassaapput maannakkut siunissamilu pisortat suliffeqarfiup iluani ingerlariaqqinnissaminnut piukkunnaateqartut. Pisortassanik sungiusarneq Pisiffiup susassaqarfiata iluani suliassanut tunngavoq, Søren Olsen Damgaard nassuiaavoq.

- Ilinniartinneqarneranni ilitsersuisut modulinik marlunnit amerlanerusunik ingerlatsisimasut tassaanerusimapput Pisiffimmi sulisoqarnikkut atorfeqartut. Taakku saniatigut aamma avataaniit ilitsersuisoqarsimavoq. Taamaalilluni Nuummi nerisassanik tuniniaanermi pisortaq Niels Andersen pisortanngorniarnermini aqqusaakkaminik oqaluttuarsimavoq. Pisortanngorniat avataaniit aamma ilitsersuisoqarput, tassalu KNR-ip pisortaanit Ivalo Egedemit, taassumalu pissanganartumik uummaarissumillu inuutissarsiornerup iluani sulinermini qaffakkiartornini oqaluttuaraa, Søren Olsen Damgaard oqaluttuarpoq.

- Siunertaavoq pisortanngorniat ilinniareerunik suleqatiminnik oqaloqateqarnissaminnut ilitsersuinissaminnillu pikkorinnerulissasut, sulinermini siuariartornissartik ilisimaaralugu, pisortatut sulinerminni sakkussaqassallutik, kiisalu aaqqiagiinnginnerup, stressip attaveqarnerullu iluani ilisimasaqarnerulerlutik. 

Pisortanngorniat Qaqortumiit, Nuummiit, Maniitsumiit, Sisimiuniit, Aasiaanni Ilulissaaniillu aggertuupput, tamarmillu sakkussaqarluarlutik angerlamut uterput sulinerminni atorsinnaasaminnik. Pikkorissarnerup imarisai ulluinnarni sulinerannut tunngalluarput. 

- Pikkorissartut peqataanermini naliliinerisa takutippaat peqataanertik pissarsiaqarfigilluarsimagaat, Søren Olsen Damgaard oqaluttuarpoq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER