Skip to main content

Pissusitoqqat miserratigineqarsinnaanngillat

Erni Olsen aamma Henriette Martinsen katipput Karl Elias Olsenilu kuisippoq

Pissusitoqqat tammapallanneq ajorput. Nunatsinni imaappoq inuk toqugaangat inoorlaamut atsiunneqartarliuni. Tamanna annerusumik ilaqutariit iluanni pisarpoq, aammali tassaasinnaasarpoq inuk attaveqarfigisimasaq immikkut maluginiagassaasoq ataqqiniarlugu meeqqamut atsiunneqartoq. 

Tamanna sapaaiummat Sisimiuni pivoq.

Ukiualuit matuma siornagut qatserisartoq pujorsiortartoq Elias Olsen sungiusarluni qaartoornikkut ajunaarpoq containerimi ikuallattumik qamisaasoqartillugu. Suleqatip pikkorissup toqunera taamanikkut qatserisartut annilaarutigeqaat. Elias Olsenip qimatarai nulii meeqqanilu pingasut, taakku ilagalugu ernera Erni Olsen.

Erni ernertaarpoq sapaatiummallu Henriette Martinsenimut katinnermini erni aamma kuisittussaavaa, ataagaluani ajaagaluarnilu Karla kræftimik toqquneqartoq ateerisussaallugit. Taamaattumik Karl Elias Olsenimik kuisippoq.

Sisimiuni qatserisartut ilaqutariit nalliuttorsiorneranni peqataapput, katittut kuisittorlu persuarsiornartumik oqaluffiup saani ilassineqarlutik. Taava nipiluutilerlutik iliveqarfiliaapput, aataallu Elias Olsenip ilerra kransilerneqarluni. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER